Umunyarwandakazi Teta Sandra yahagaritswe ku kazi mu kabari yakoragamo muri Uganda kubera imyitwarire ye

Imyidagaduro   Yanditswe na: Martin Munezero 23 September 2019 Yasuwe: 5569

Umunyarwandakazi Teta Sandra umenyerewe mu bikorwa byo ku murika no gutegura imideli, yirukanwe ku kazi nyuma y’uko abakoresha be bari gukemanga imyitwarire ye muri iyi minsi.

Uyu mukobwa yari asigaye abarizwa mu gihugu cya Uganda aho yari amaze umwaka wose ategurira ibitaramo mu kabari ka Hideout kari mu mujyi wa Kampala, ubu akaba yamaze guhabwa ibaruwa imuhagarika.

Teta Sandra yatangiye gukorera muri aka kabari muri 2018, aho yakoreragamo igitaramo buri wa Gatatu yise ’Wednesday Boss Lady’.

Abinyujije ku rukuta rwe rwa Instagram, Teta Sandra yashyizeho itangazo mu rurimi rw’icyongereza avuga ko bahisemo guhagarika iki gitaramo cya ’Wednesday Boss Lady’ yakoreraga muri Hideout, ahandi agiye kukimurira azahavuga mu minsi ya vuba.

Yagize ati“Misstee creations and Marketing irifuza kumenyesha abakiriya bayo bose ko igitaramo cyacu cy’Ijoro ry’uwa Gatatu ’Wednesday Boss Lady’ cyaberega kuri Hideout Lounge Lugogo cyahagaze kuva tariki ya 18 Nzeri 2019, ahandi kigiye kubera muzahamenyeshwa.”

Uyu mukobwa akaba yashimiye aka kabari ka Hideout mu gihe cy’umwaka bamaze bakorana.

Amakuru yemeza ko aka kabari ariko kafashe iya mbere gahitamo gutandukana n’uyu mukobwa bitewe n’imyitwarire ngo idasanzwe yari amaze iminsi agaragaza bivugwa ko yabangamiraga abakiriya.

Teta Sandra muri iyi minsi akomeje kuvugwa mu rukundo rukomeye n’umuhanzi Weasal wamenyekanye mu itsinda rya Good Lyfe,yahoze afatanyamo na nyakwigendera Mowzey Radio.

Kugeza ubu urukundo rw’aba bombi rumaze kumenyekana mu bakunzi babo bose, dore ko buri umwe muri bo akora iyo bwakabaga akagaragariza imbaga z’aba bakurikirana imbaraga urukundo ruri hagati yabo rufite.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Eddy Kenzo nyuma y’ibyo ari gucamo kuva yatwarwa umugore byamuteye agahinda...

Umuhanzi wo muri Uganda Edrisah Musuuza wamamaye mu muziki nka Eddy Kenzo,...
16 October 2019 Yasuwe: 1224 0

Mushiki wa Diamond yise Harmonize umugambanyi

Mu cyumweru gishize hamenyekanye inkuru ko umuhanzi Harmonize warezwe na...
16 October 2019 Yasuwe: 1056 0

Mico The Best yatangaje ubutumwa yifuza gutanga mu ndirimbo "Save the Date"...

Umuhanzi Mico the Best ukomeje gushinga imizi mu njyana ya Afrobeat mu...
16 October 2019 Yasuwe: 196 0

Zari Hassan ari mu kababaro gakomeye yatewe na Kenyan Airways

Icyamamare ku mbuga nkoranyambaga Zari Hassan ari mu marira kubera ko...
15 October 2019 Yasuwe: 4879 1

Miss Earth 2019:Abakobwa biyerekanye bambaye imyambaro gakondo nabwo...

Ibintu ntabwo byifashe neza kuri Igiraneza Paulette Ndekwe uhagarariye u...
15 October 2019 Yasuwe: 2716 0

Eddy Kenzo yafashe icyemezo kidasanzwe kugeza ubwo Sheikh Muzaata...

Edrisah Musuuza [Eddy Kenzo] yatangaje ko yaciye ukubiri no kongera...
14 October 2019 Yasuwe: 4964 0