addresiya
startimes

Umunyarwenya wo muri Uganda yanenzwe bikomeye anasabwa gusaba imbabazi abanyarwanda babuze ababo nyuma y’aho akoresheje ijambo Jenoside mu rwenya yateraga

Imyidagaduro   Yanditswe na: Martin Munezero 30 September 2019 Yasuwe: 2459

Umunyarwenya Patrick Salvador wo muri Uganda yanenzwe ndetse anasabwa gusaba imbabazi nyuma y’aho akoreshereje ijambo “Jenoside” mu rwenya yateraga agaruka ku bijyanye n’ingendo z’indege mu bihugu byo muri Afurika y’Iburasirazuba.



Kuri iki cyumweru ku mbuga nkoranyambaga hakwirakwijwe amashusho y’umunyarwenya Patrick Slavador wo muri Uganda wumvikanye atera urwenya ku bihugu bitandukanye nk’u Rwanda, Uganda na Kenya akanakoreshamo ijambo ‘Jenoside’.

Ni amagambo yakoresheje mu gitaramo cy’urwenya cyiswe Nseko Buseko 2019 mu kwezi gushize, cyitabirwa n’abanyarwenya batandukanye.

Ubwo yateraga urwenya rwe, yabanje kugenda yigana uburyo ibigo bitandukanye byakira abakiliya babyo mu ndege, akomoza kuri Uganda Airlines, avuga uburyo ngo umuntu ataba yizeye ko umuzigo we ugera iyo agiye. Yiganye imivugire y’Abakiga, Abanyankole, bose ngo bavuga nabi kandi abantu bayobora abantu mu ndege bari mu batuma ikundwa cyane.

Yavuze ko usanga iyo indege igiye guhaguruka, abantu bakora mu ndege bifashisha ururimi rw’igihugu cyabo mbere yo kuvuga mu Cyongereza, nko muri South African Airways bagahera ku rurimi rwabo, Kenya Airways igahera ku Gishwahili, na RwandAir bagahera ku Kinyarwanda.

Kuri buri rurimi yagendaga yigana imivugire y’amagambo atanga ikaze mu ndege n’amakuru ku rugendo, ageze ku Kinyarwanda ahera kuri ’Muraho neza’ nk’indamukanyo, agenda avanga amagambo, harimo aho yavuze amafaranga, amakuru, amahanga, aza no kuvugamo Jenoside.

Nubwo icyo gihe abantu basekaga, ikoreshwa ry’ijambo Jenoside ryababaje bamwe mu babonye uru rwenya, kuko ntaho Jenoside ihuriye na RwandAir, ndetse ko itagakoreshejwe muri ubwo buryo hejuru ya miliyoni y’Abanyarwanda yishwe.

Umwe mu batanze ibitekerezo kuri Twitter ni Seth Butera, wavuze ko Salvado ashobora kuba atazi icyo Jenoside ari cyo, ariko adakwiye gutesha agaciro inzirakarengane n’imiryango ikirimo gukira ibikomere yatewe na Jenoside.

Ati “Ugomba gusaba imbabazi umuryango wose w’Abanyarwanda kandi ukanakuraho ikiganiro cyawe.”

Kambanda Noel we yavuze ko Jenoside atari urwenya, bityo niba Salvado afite umutimanama akwiye gusaba imbabazi z’ibyo yakoze kubera abasaga miliyoni baburiye ubuzima muri Jenoside, “niba utari unazi ko ibihumbi bajugunywe mu migezi bakaba bashyinguwe muri Uganda.”

Frank Rukundo we yavuze ko ari mu babajwe cyane n’amagambo ya Salvado wateye urwenya kuri Jenoside, amusaba ko “nubwo uri umunyarwenya ugomba gutunga umuryango wawe, ugahimba inzenya zishishimisha abantu, ntabwo ukwiye gukinira kuri Jenoside yabaye mu Rwanda.”

Yakomeje ati “Ugomba gusaba Abanyarwanda bose imbabazi.”

Mu gusubiza Frank Rukundo, yamwutse inabi nk’umuntu wananiwe kwitwara neza mu irushanwa rya Big Brother yigeze kwitabira, amwereka ubutumwa bw’abantu bamweretse ko bashimishijwe n’urwenya yateye uwo munsi.

Salvado yaje kwandika kuri Twitter ko gusetsa atari ibya buri wese, ariko Edwin Musoni amusubiza ko umuntu adashobora gukinisha ibyo abonye byose, ko hari bimwe agomba kwigengesera.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Davido yavunitse ukuguru bituma umukunzi we asuka amarira

Nyuma y’aho umuhanzi David Adedeji Adeleke wamamaye nka Davido agaragaje ko...
4 June 2020 Yasuwe: 1068 0

Tanasha yanenze bikomeye Diamond utubahiriza inshingano ze

Umuhanzi Diamond Platnumz yanenzwe n’umwe mu bagore be babyaranye witwa...
4 June 2020 Yasuwe: 652 0

Rose Muhando yabwiye amagambo akomeye Silas wakwirakwije iby’urupfu rwe...

Umuhanzikazi Rose Muhando wamamaye mu ndirimbo zihimbaza Imana iwabo muri...
4 June 2020 Yasuwe: 763 0

Umuhanzikazi Akothee yasobanuye uburyo ubusazi bwa Mama we bwamugejeje...

Umuhanzikazi Esther Akoth wamamaye nka Akothee yasobanuriye abafana be uko...
3 June 2020 Yasuwe: 2343 0

Umukobwa witwa Suzy wamenyekanye cyane akanabaho ubuzima bwiza muri za...

Suzy Perez ni umwe mubakobwa bari babayeho neza kuva mu mwaka wa 2000,...
3 June 2020 Yasuwe: 7217 0

Beyonce yavuze amagambo kuri George Floyd yateye benshi ikiniga anasaba...

Amazina akomeye ya muzika arimo kuvuga agahinda nyuma y’urupfu rwa George...
3 June 2020 Yasuwe: 3015 0