Umuramyi Adrien Misigaro yavuze uburyo agiye gutuma umuraperi Fireman akizwa avuga n’inzira agiye kubicishamo

Imyidagaduro   Yanditswe na: Martin Munezero 3 March 2020 Yasuwe: 1625

Umuhanzi w’indirimbo zo kuramya no guhimbaza Imana Adrien Misigaro atangaza ko yiyemeje kuba hafi umuraperi Fireman haba mu muziki we no mu buzima busanzwe ku buryo afite icyizere cy’uko azakira agakiza.



Umubano wa Fireman na Adrien Misigaro watangiye mu mwaka ushize, ubwo uyu muramyi uba muri Leta Zunze Ubumwe z’Amerika yasuraga ikigo ngororamuco cya Iwawa akamusangayo ari kumwe n’abarimo Neg G The General, Young Tone n’abandi.

Kuva icyo gihe Adrien Misigaro yemeye gufasha uyu muhanzi biciye mu muryango we w’ivugabutumwa witwa Melody of New Hope.

Ubwo Fireman yari akiri kugororerwa Iwawa yabashije kuhakorera indirimbo ebyiri afata n’amashusho byose ku bufasha bwa Adrien Misigaro.



Uyu muraperi akigera mu buzima busanzwe yakiriwe muri Melody of New Hope ariko nyuma y’igihe gito ahita yongera gutabwa muri yombi n’inzego za gisirikare aho yari akurikiranyweho ibyaha byo gukubita no gukomeretsa bikekwako yakoreye Iwawa.

Tariki 27 Mutarama 2020 ni bwo urukiko rwafashe umwanzuro wo kumurekura by’agateganyo, ubu yasubiye mu buzima busanzwe.

Mu Kiganiro KISS FM yagiranye na Adrien Misigaro, yavuze ko azakomeza kuba hafi uyu musore wari umwe mu nkingi za mwamba z’itsinda rya Tough Gang ryakanyujijeho muri Hip Hop.



Ati “Bimwe nasanze bituma abantu bajya mu biyobyabwenge harimo n’inshuti mbi. Njyewe rero namugize inshuti musaba ko twafatanya mu muziki we kugira ngo indirimbo ze zijye hanze. Ariko njye icyo nifuza ni ukugira ngo dukomeze tugire umubano mu rwego rwo kugira ngo tubashe kwegera Imana.”

Adrien Misigaro avuga ko intego ye ari ugufasha Fireman kongera kubaka ubuzima bwe akabona akazi, ariko icy’ingenzi cyane ni ukumuhindura akakira agakiza.

Ati “Intego nkuru ni ukumuhindura akakira agakiza, kuko ubutumwa bwanjye ni ukuvuga ngo ni gute umuntu yakwegera Imana? Ariko umuntu uvuye ahantu nka hariya ntabwo uhita utangira uzana inyigisho zo muri Bibiliya, ahubwo urabanza ukubaka umubano wawe nawe, ukamwereka urukundo Imana itanga. Nkamwumvisha ko ndi umusore nka we udakoresha ibiyobyabwenge, nkamwereka amahoro mfite. Intego yabyo ni ugukizwa kuko ndabizi ko nakizwa ubuzima bwe buzahinduka.”

Adrien Misigaro avuga ko afite icyizere cy’uko bizashoboka kuko ‘Fireman afite umutima umenetse, ari mu bantu bake bavuga ibibi byose bakoze bakoze’.
Tariki 08 Werurwe 2020 mu nyubako ya Intare Conference Arena hazabera igitaramo cyiswe “Each One Reach One” cyateguwe na Melody of New Hope kigamije kurwanya ibiyobyabwenge.

Kizitabirwa na Adrien Misigaro, Gentil Misigaro, Israel Mbonyi n’abandi baturutse muri Amerika. Mbere yacyo bazasura ikigo ngororamuco cya Gitagata ahaba abakobwa bazahajwe n’ibiyobyabwenge.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuraperi Fireman mu bagomba gufashwa muri ibi bihe bya Covid-19

Umuraperi Fireman avuga ko agowe cyane no kubaho muri ibi bihe abantu...
1 April 2020 Yasuwe: 3106 0

Sadio Mane nawe yavuze ku rukundo rwe n’umunyarwandakazi Kate...

Umunya-Senegal ukinira Liverpool, Sadio Mane, yahakanye ibyo kuba akundana...
1 April 2020 Yasuwe: 5757 0

Muri Wasafi Records ya Diamond byemejwe ko hagezemo icyorezo cya...

Muri Wasafi Records iyobowe n’umuhanzi ukomeye muri Tanzania Diamond...
1 April 2020 Yasuwe: 1580 0

Gael Faye uherutse mu Rwanda agahura n’abayobozi yahishuye ko basanze...

Umuraperi w’umunyarwanda ufite ubwenegihugu bw’u Bufaransa, Gaël Faye,...
1 April 2020 Yasuwe: 5269 0

Tanasha yaba yabonye undi musore nawe w’umuhanzi umuhoza amarira yarijijwe...

Nyuma y’ibyumweru bike bishize umuhanzikazi wo muri Kenya ’Tanasha Donna’...
31 March 2020 Yasuwe: 8609 1

Agatambaro nyakwigendra Kobe Bryant yakoresheje yihanagura ibyuya...

Kobe Bryant agatambaro yari afite mu 2016 asezera ku mukino wa...
30 March 2020 Yasuwe: 2311 0