Nyuma yo gutangira umwuga we wo kurapa mu buryo busa nk’ubugoranye, Drake kuri ubu ni umwe mubaherwe bacye kw’isi batunze indege y’ubu bwoko bwa boeng 767 kugiti cyabo – Air Drake.

Sponsored Ad

Iyi ndege drake yahishuriye abafana be ifite ikirango akunze gukoresha cy’igihunyira ndetse ni ijambo “OVO” no kumpera yayo aho moteri ziba ziri handitseho “AIR DRAKE.”

Ijambo OVO risobanuye – October’s Very Own, ni ijambo akunda gukoresha cyane dore ko yanaryitiriye label yashinze. Mu mashusho yashize ku rubuga rwe rwa instagram yumvikana ashimira cyane Ajay Virmani umuyobozi mukuru wa Cargo Jet ari nayo yakoze iyi ndege.

Uyu musore w’imyaka 32 usibye kwegukana ibihembo bikomeye bya Grammy amaze no kwegukana ibindi bya billboard bisaga 27. Drake ahishuriye abakunzi be iyi ndege nyuma y’amakuru yari yatangajwe ko yaba yarasinyanye amasezerano y’ibanga n’iyi kompanyi yo muri Canada ari nacyo gihugu akomokamo.