Umuryango wa Tanasha wiyamye Diamond Platnumz

Imyidagaduro   Yanditswe na: Martin Munezero 19 February 2019 Yasuwe: 5187

Umuryango wa Tanasha Donna uri mu buryohe bw’urukundo na Diamond Platnumz wasabye uyu musore kutazamufata nk’abandi bagore bagiye bakundana ngo amutere inda narangiza amwigarike batarasezerana kubana.

Bimaze kumenyerwa ko Diamond ari umusore utajya wiburira mu gutera inda abakobwa benshi bakundanye. Kugeza ubu afite abana batandukanye yemera, yabyaye ku bagore babiri bose bazwi ndetse n’abandi yagiye yihakana.

Nubwo bimeze gutyo ariko ntibyabujije Umunya-Kenya Tanasha gukunda uyu muhanzi ukomeye muri Tanzania ndetse mu mizo y’umubano wabo bahise batangaza ko bafite umushinga wo kubana.

Umuryango w’uyu mukobwa wasabye Diamond kubanza gushyingiranwa na we mbere yo gutekereza ibyo kubakana urugo. Ikinyamakuru Global Publishers gikomeye muri Tanzania kivuga ko gifite amakuru y’uko Diamond yaba yarumviswe avuga ko ashaka gutera inda uyu mukobwa mbere y’impera za 2019.

Umwe mu bagize umuryango wa Tanasha yavuze ko ibyo na bo babyamaganiye kure bagasaba Diamond kubanza kwambika impeta umukobwa wabo mbere yo kugira ibindi akora.

Uyu yagize ati “Nk’umuryango, twagiranye ibiganiro dufata umwanzuro ko Tanasha atagomba kugirana umwana na Diamond. Ugomba kumenya ko Tanasha aturuka mu muryango w’abakirisitu. Ababyeyi be ni abakirisitu bafite agakiza ntabwo bakwemera ko habaho ibintu nk’ibyo bibangamiye amahame yabo.”

Diamond na Tanasha bagombaga gukora ubukwe ku munsi wa Saint Valentin ariko bahitamo kubusubika babushyira igihe kitaratangazwa. Umuryango w’uyu mukobwa uvuga ko ufite impungenge ko uyu muhanzi ashobora kumubenga.

Yongeyeho ati “Nta kibazo dufite ku rukundo rwabo, icyo tudashaka ni ukubona Tanasha abengwa nyuma yo guterwa inda.”

Tanasha avuga ku mubyeyi umwe ukomoka muri Kenya undi akaba Umutaliyani. Yakuriye muri Kenya ahava afite imyaka 11 y’amavuko. Amazina ye yose ni Tanasha Donna Barbieri Oketch. Ni umunyamakuru kuri NRG Radio yo muri Kenya ariko akaba n’umushoramari mu ruganda rw’ibijyanye n’imideri.

Uyu mukunzi wa Diamond wize Ubukerarugendo mu Bubiligi avuga indimi zitandukanye zirimo Igiswahili, Icyongereza, Igifaransa, Ikidage n’ururimi rwo muri Espagne. Ni umuyobozi w’uruganda rwitwa ‘For Her Luxury Hair’ rukora ibijyanye n’imisatsi. Yamenyekaniye no mu mashusho y’indirimbo ‘Nagharamia’ ya Ali Kiba na Christian Bella.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuraperi wo muri Uganda ’Navio’ yakoreye ubukwe muri Suède n’umukunzi...

Daniel Lubwama Kigozi umuraperi ukomeye cyane muri Uganda uzwi ku izina rya...
20 July 2019 Yasuwe: 1177 0

Zari yashyingiranye n’umukunzi we mu buryo bw’ibanga anahishura impamvu...

Zari Hassan,Umunyamideri wo mu gihugu cya Uganda, wahoze ari umugore...
20 July 2019 Yasuwe: 4004 0

Umukobwa uri guhatanira ikamba rya Miss England yanze kwambara Bikini...

Umwongerezakazi Aysha Khan w’imyaka 2 uri guhatana mu marushanwa ya Miss...
20 July 2019 Yasuwe: 3552 1

Weasel Manizo yasibye amafoto yose yashyize kuri Instagram ye ari kumwe na...

Amakuru aturuka muri Uganda aravuga ko umuhanzi Weasel Manizo na Sandra...
19 July 2019 Yasuwe: 4412 0

Beyonce yatunguranye avuga uburyo umugabo we Jay Z akomoka mu...

Shawn Corey Carter, Umuraperi w’umunyabigwi mu muziki wa Amerika ndetse no...
19 July 2019 Yasuwe: 8040 0

Abakoresheje Face App porogaramu ibahindura abasaza baburiwe ingaruka...

Bamwe mu bantu bakoresheje porogaramu y’Abarusiya yaciye ibintu ku mbuga...
18 July 2019 Yasuwe: 7323 0