Umwe mu bagize itsinda rya Sauti Sol yatunguye umukunzi we bamenyaniye mu kabyiniriro atera ivi ubwo bari mu nzu berekaniramo Filime[AMAFOTO]

Imyidagaduro   Yanditswe na: Martin Munezero 28 February 2019 Yasuwe: 3875

Bien-Aime Baraza umwe mubaririmbyi bagize itsinda rya Sauti Sol ribarizwa muri Kenya yateye ivi mu ijoro ryo ku wa Gatatu tariki 27 Gashyantare 2019 asaba umukunzi we kumwemerera bakabana akaramata.

Bien-Aimé Baraza yambitse impeta Chiki Onwekwe Kuruka mu muhango wari wagizwe ibanga wabereye mu nzu yerekanirwamo filime mu nyubako ya Westgate Mall.

Ku ifoto yashyizwe kuri konti ya instagram y’itsinda rya Sauti Sol, mu kwemeza aya makuru banditse bagira bati « Urukundo ni urutsinzi. Yavuze ‘Yego’. Amahirwe masa kuri Bien Aime na Chikikuruka ku bwo kwambikana impeta. »

Gusa ibi byari byabanje gutangazwa na Polycarp Otieno uzwi cyane nka Fancy Fingers muri iri tsinda we wanakoze ubukwe n’umurundikazi. Hari hashize iminsi mike Baraza avugiye mu itangazamakuru ko ashaka kugeza ku rundi rwego iby’urukundo rwe na Chiki Onwekwe Kuruka.

Chiki Onwekwe Kuruka watunguwe n’umukunzi we yamushimiye agira ati « Ibi ntabwo nari mbitegereje. Nari nagiye kwirebera sinema n’inshuti zanjye ndetse n’umuryango wanjye. Wakoze cyane. Navuze ‘Yego’ mu buryo bworoshye. Ku nshuti yanjye, umuniga wanjye, inshuti yanjye y’akadasohoka, ikirenze kuri ibyo ni ‘fiance’ wanjye, ndagukunda byimazeyo.”

Chiki ukundana na Bien-Aime; ni umunya-Nigeria kavukire, Yabaye igihe kinini mu Bwongereza n’umuryango we mbere y’uko yimukira muri kenya.

Yavutse kuri Se wakoze mu mwuga w’Itangazamakuru, mu gihe nyina yari umunyamategeko. Ni umukobwa uzwiho kuba ari umubyinnyi akaba n’umuhanga mu gutoza abantu mu mikino ngororamubiri.

Chiki yamenyanye na Baraza bahuriye mu kabyiniro, bahujwe n’umuhanzi w’imideli Emmanuel Jambo.

Bien-Aime abaye uwa kabiri muri iritsinda werekanye umukunzi we nyuma y’amezi agera kuri atatu mugenzi witwa Polycarp Otieno benshi bita Fancy Fingers arushinze n’umurundikazi mu birori byabereye kuri Fairmont Mt Kenya Safari Club.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Chris Brown ari hafi kubyarana umwana wa 2 n’umukunzi we wa kera[AMAFOTO]

Umuhanzi Chris Brown ukomeye cyane mu muziki wo muri Leta zunze ubumwe za...
19 June 2019 Yasuwe: 2131 0

Kimenyi Yves uherutse guca ibintu hose kubera amashusho ye yambaye ubusa...

Umunyezamu Kimenyi Yves wa APR FC n’Amavubi,uherutse guca ibintu ku mbuga...
19 June 2019 Yasuwe: 3974 0

Miss Akiwacu Colombe yifashishijwe mu bukangurambaga bwamagana ivangura...

Miss Akiwacu Colombe wabaye Miss Rwanda mu 2014 , yitabiriye igikorwa cyo...
19 June 2019 Yasuwe: 1110 0

Umuhanzi Nsengiyumva uzwi nk’Igisupusupu yavuze abahanzi b’Abanyarwanda yari...

Umuhanzi Nsengiyumva Francois wamamaye ku izina rya Igisupusupu kubera...
18 June 2019 Yasuwe: 3234 1

Umuhanzi Martin Promoter yagarukanye imbaraga mu mashusho y’indirimbo...

Umuhanzi Martin Munezero uzwi ku izina rya Martin Promoter yashyize hanze...
18 June 2019 Yasuwe: 529 0

Byinshi byihariye wamenya kuri Marcel Rutagarama wamamaye kuri Radio...

Marcel Rutagarama, ni umunyamakuru wamenyekanye mu biganiro by’imikino kuri...
18 June 2019 Yasuwe: 6284 0