Young Grace yagaragaje amarangamutima adasanzwe afitiye Mwiseneza wagenze urugendo rurerure agiye kwiyamamaza muri Miss Rwanda aho yemeye no kuzamucumbikira[AMAFOTO]

Imyidagaduro   Yanditswe na: Martin Munezero 22 December 2018 Yasuwe: 3213

Mwiseneza Josiane, umwe mu bakobwa bahataniye ikamba rya Nyampinga w’u Rwanda mu Ntara y’Uburengerazuba akaza no kugira amahirwe yo kuzaba umwe mu bazahagararira iyi ntara, akomeje kuvugisha abantu bidasanzwe, kuva yamenyekana avugwa kurusha irushanwa ahataniye mu gihe nta muntu numwe wamuhaga amahirwe.

Mwiseneza Josiane n’inkumi y’imyaka 23, yasoje amashuri yisumbuye mu byerekeye icungamutungo mu mwaka wa 2017. Ubusanzwe akomoka muri Rutsiro, mu buryo bwo koroshya urugendo, yavuye iwabo ajya gucumbika ku Nyundo hafi y’ahabareye ijonjora mu Mujyi wa Rubavu.

Yabaye ikimenyabose ubwo tariki ya 16 Ukuboza 2018 kubera uburyo yakoze urugendo rurerure n’amaguru ajya ahabereye ijonjora.

Nubwo avugisha abantu mu buryo budasanzwe, Mwiseneza Josiane arashyigikiwe mu buryo bukomeye. Abantu batandukanye batangiye kumwemerera ubufasha nyuma y’uko bamenye ko atifashije bifatika.

Umuraperi ABAYIZERA Young Grace ni umwe mu biyemeje gushyigikira Mwiseneza Josiane kugeza irushanwa rirangiye.

Akaba yamaze gutanagariza itangazamakuru yiteguye kuzafasha uyu mukobwa kubona icumbi yagize ati “Njyewe Josiane naramwishimiye, kandi ndi umufana we.”

“Niteguye kumushyigikira mu buryo bwose bushoboka, ikindi arabikwiye, arabishoboye, kubera iki ataba Nyampinga.”

Young Grace yakomeje atangaza neza ko ubwiza nyakuri Atari ukwihindura uruhu Yongeyeho ati “Icya mbere arashoboye, afite ubwenge, afite uburanga kandi ubwiza ntabwo ari mukorogo gusa cyangwa umuntu w’inzobe, na we ni mwiza, kuri njyewe Josiane ni mwiza.”

Young Grace yavuze ko yashyigikiye Mwiseneza Josiane kuko baturuka mu gace kamwe mu Ntara y’Uburengerazuba bityo akaba yariyemeje kumuba inyuma kugeza irushanwa rirangiye.

Ati “Icya mbere duturuka ahantu hamwe, nabyo biri mu byatumye mushyigikira, ariko nakunze icyizere yigiriye […] Ntabwo biba byoroshye kwitabira irushanwa rya Nyampinga w’u Rwanda, kuba yaragiyemo ni uko yiyizeye.”

Uyu muraperi avuga ko atumva impamvu abantu batinda cyane kuri Josiane.

Ati “Kuba abantu bakomeza kumutindaho nkeka ko ari uko yaje n’amaguru, ntabwo ari ibintu bidasanzwe, wenda ni uko nta bushobozi yari afite ariko azabugira.”

Young Grace ngo azakira Mwiseneza Josiane, ndetse yamwemereye ko niba adafite umuryango i Kigali azamucumbikira ndetse akamwitaho bishoboka mu gihe azaba yaje kurushanwa ku rwego rw’igihugu.

Ati “Ndi mu bantu bazamwakira i Nyabugogo hariya, uwampa nomero ye nanjye ndi mu bantu bamwakira. Niba adafite umuryango i Kigali nzamwakira nk’umuntu wo mu rugo, niba adafite n’umuryango i Kigali azarara iwanjye, nzanamutwara mugeze aho irushanwa rizabera.”

Irushanwa rya Miss Rwanda ku rwego rw’igihugu ribera mu Mujyi wa Kigali, buri mukobwa yiyitaho haba kwishakira icumbi ndetse n’uburyo bwo kugera ahabera ijonjora buri wese yishakira ikinyabiziga kimutwara.

Ni muri urwo rwego Young Grace yiyemeje kuzafasha Josiane mu ngendo azakorera i Kigali umunsi azaza kurushanwa n’abakobwa bo mu ntara zose.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Sunset

    woowow nukuri imotion ziramfashe pe,

    5 months ago

Inzindi nkuru

Chris Brown ari hafi kubyarana umwana wa 2 n’umukunzi we wa kera[AMAFOTO]

Umuhanzi Chris Brown ukomeye cyane mu muziki wo muri Leta zunze ubumwe za...
19 June 2019 Yasuwe: 2092 0

Kimenyi Yves uherutse guca ibintu hose kubera amashusho ye yambaye ubusa...

Umunyezamu Kimenyi Yves wa APR FC n’Amavubi,uherutse guca ibintu ku mbuga...
19 June 2019 Yasuwe: 3917 0

Miss Akiwacu Colombe yifashishijwe mu bukangurambaga bwamagana ivangura...

Miss Akiwacu Colombe wabaye Miss Rwanda mu 2014 , yitabiriye igikorwa cyo...
19 June 2019 Yasuwe: 1104 0

Umuhanzi Nsengiyumva uzwi nk’Igisupusupu yavuze abahanzi b’Abanyarwanda yari...

Umuhanzi Nsengiyumva Francois wamamaye ku izina rya Igisupusupu kubera...
18 June 2019 Yasuwe: 3229 1

Umuhanzi Martin Promoter yagarukanye imbaraga mu mashusho y’indirimbo...

Umuhanzi Martin Munezero uzwi ku izina rya Martin Promoter yashyize hanze...
18 June 2019 Yasuwe: 529 0

Byinshi byihariye wamenya kuri Marcel Rutagarama wamamaye kuri Radio...

Marcel Rutagarama, ni umunyamakuru wamenyekanye mu biganiro by’imikino kuri...
18 June 2019 Yasuwe: 6280 0