addresiya
startimes

Young Grace yahishuye igisobanuro cy’amazina adasanzwe yashobeye abatari bake yise umwana we[AMAFOTO]

Imyidagaduro   Yanditswe na: Martin Munezero 29 August 2019 Yasuwe: 5291

Mu rukerera rwo ku wa 24 Kanama 2019 impundu zavuze urwunge iwabo wa Young Grace n’umusore babyaranye umwana baherutse kwibaruka bataziriye akazina ka Diamante.



Ni umwana uyu muraperikazi ubusanzwe witwa Abayizera Marie Grace yari ategerezanyije amatsiko cyane ko ari imfura ye. Yamuririmbiye ibisingizo mu ndirimbo yamwitiriye nk’ikimenyetso cyerekana ko ari umwana yari ategerezanyije ibinezaneza.

Muri iyi ndirimbo yagiye hanze ku wa 8 Nyakanga 2019, uyu muraperikazi yumvikanamo avuga ko umwana we yabaye uwa mbere watumye yishimira kubaho, akaba umwe rukumbi wavuganye na we ndetse ko ubu atakora ikintu atabanje kumubaza.

Mu nyikirizo ati “Ubu ndiho ku bwawe mwana wanjye wandekura nagwa, ntawe uzagukoraho nzakubera intwari rudasumbwa Diamante.”

Mu kumuhanura, Young Grace muri iyi ndirimbo avuga ko umwana we azasanga Isi yarangiritse, akamubwira ko adakwiriye kuzagira ikibazo kuko azahamubera, akamushishikariza kuzakunda umurimo no kuzakora icyo aricyo cyose umutima we uzamuhatira.

Mu ntangiriro z’uku kwezi Young Grace yari yanditse agusaba ko kwazarangira ari umubyeyi.

Nyuma yo kwibaruka uyu mwana, yamwise amazina ashobora kwibazwaho na benshi duhereye ku ry’Ikinyarwanda, aho yamwise ‘Amata’ irindi riba ‘Anca Ae’eedah Ai’.

Mu kiganiro na Young Grace yasobanuye imvano y’aya mazina y’umwana we yibajijweho na bamwe bavuga ko agoranye kuyasoma abandi bakibaza ibisobanuro byayo.

Ati “Anca Ae’eedah Ai bivuze impano y’ubuntu bw’Imana yaturuste ku rukundo. Hanyuma ‘Amata’ ryo ni Irinyarwanda, twese tuzi ko amata agira umumaro, ni ay’ingenzi ku buzima bwacu, urwaye barayakuramiza, agira umumaro cyane ku buzima bwacu. Natwe umwana wacu twamugereranyije nayo mu rwego rw’izina kuko ni uw’ingenzi kuri twe no ku bacu.”

Avuga ko we na se (w’umwana) bafatanyije kumwita aya mazina. Abajijwe uko yari amerewe agiye kwibaruka ati ‘ibise byo ibyabyo bibara uwariraye’.

Young Grace w’imyaka 25 yakundanaga n’umusore witwa Rwabuhihi Hubert [Piqué] gusa iby’urukundo rwabo byararangiye n’ubwo yari yamwambitse impeta nk’aho bitegura kurushinga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Davido yavunitse ukuguru bituma umukunzi we asuka amarira

Nyuma y’aho umuhanzi David Adedeji Adeleke wamamaye nka Davido agaragaje ko...
4 June 2020 Yasuwe: 1140 0

Tanasha yanenze bikomeye Diamond utubahiriza inshingano ze

Umuhanzi Diamond Platnumz yanenzwe n’umwe mu bagore be babyaranye witwa...
4 June 2020 Yasuwe: 681 0

Rose Muhando yabwiye amagambo akomeye Silas wakwirakwije iby’urupfu rwe...

Umuhanzikazi Rose Muhando wamamaye mu ndirimbo zihimbaza Imana iwabo muri...
4 June 2020 Yasuwe: 782 0

Umuhanzikazi Akothee yasobanuye uburyo ubusazi bwa Mama we bwamugejeje...

Umuhanzikazi Esther Akoth wamamaye nka Akothee yasobanuriye abafana be uko...
3 June 2020 Yasuwe: 2350 0

Umukobwa witwa Suzy wamenyekanye cyane akanabaho ubuzima bwiza muri za...

Suzy Perez ni umwe mubakobwa bari babayeho neza kuva mu mwaka wa 2000,...
3 June 2020 Yasuwe: 7232 0

Beyonce yavuze amagambo kuri George Floyd yateye benshi ikiniga anasaba...

Amazina akomeye ya muzika arimo kuvuga agahinda nyuma y’urupfu rwa George...
3 June 2020 Yasuwe: 3017 0