Young Grace yashyize hanze ifoto y’umwana yabyaranye na Pique avuga n’ishema aterwa no kuba yaramubyaye none akaba yujuje amezi abiri

Imyidagaduro   Yanditswe na: Martin Munezero 25 October 2019 Yasuwe: 4011

Umuhanzikazi Abayizera Marie Grace uzwi nka Young Grace wamamaye mu muziki Nyarwanda mu njyana ya Hip-Hop yongeye kugaragaza ko yishimiye cyane umwana we w’umukobwa yise Amata Diamante, aheruka kwibaruka.



Young Grace kuva yatwita uyu mwana, yakunze kugaragariza abakunzi be ko yishimiye cyane impano yahawe n’Imana yo kuba yakwibaruka imfura ye mu gihe hari abataragize amahirwe yo kubona urubyaro.

Nk’uko yabigaragagaje ku ifoto yashyize kuri Instagram, Young Grace ateruye umwana we umaze amezi abiri avutse, yanditseho amagambo agaragaza ko akomeje kwishimira iyi mpano yahawe n’Imana agereranya na malayika.

Yagize ati“Amezi abiri arashize, komeza ukure neza malayika wanjye Diamante Amata”.

Kubera urukumbuzi n’urukundo rwinshi Young Grace yari afitiye uyu mwana we ataravuka byatumye ku italiki ya 8 Nyakanga 2019 amuhimbiye indirimbo yamwitiriye ‘Diamante’.

Muri iyo ndirimbo, Young Grace yagaragaza ko umwana we yabaye uwa mbere watumye yishimira kubaho kandi ko ubwo azamubyara azamukunda nk’akarabo mu butayu, yavugaga ko atazi niba ari umuhungu cyangwa umukobwa gusa agahamya ko icyo azi neza ari uko ari umumararungu.

Young Grace yibarutse uyu mwana ku wa 24 Kanama 2019 mu bitaro bya Gisenyi biri iwabo mu Karere ka Rubavu.

Kuva uyu mwana yabona izuba, nyina umubyara Young Grace yakomeje kwerekana ko ari impano ikomeye yakiriye mu muryango we.

Amata Diamante ukomeje kugaragarizwa urukundo n’umubyeyi we, avuka kuri Se Rwabuhihi Hubert [Piqué] ubu wamaze gutandukana na Young grace n’ubwo yari yaramwambitse impeta nk’abitegura kuzabana.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Emmanuel

    Ni mwonkwe! Gusa n’ubwo ari byiza kugira urubyaro, birushaho kuba byiza iyo asanze se na nyina babanye amahoro. Young Grâce komera ushikame urere Malaika aliko ubutaha bizanyure mumucyo umwana utaha azabasangane na se

    3 weeks ago

Inzindi nkuru

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 4346 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 7602 0

Habibah uherutse gusabwa umugabo we adahari yagaragaje inda y’imvutsi atwite...

Ingabire Habibah wamamaye ku mbuga nkoranyambaga ubwo yitabiraga...
17 November 2019 Yasuwe: 5073 0

Bobi Wine yagaragaje uko yakiriye kuba yaje ku rutonde rw’abantu 100 bakoze...

Ku rutonde ngarukamwaka rushyirwa hanze n’Ikinyamakuru cy’abanyamerika Time...
16 November 2019 Yasuwe: 1675 0

Imyambarire Justin Bieber n’umugore we bajyanye gusenga yateje ururondogoro...

Ubwo Justin Bierber n’umufasha we Hailey Baldwin bajyaga gusenga ku wa 13...
16 November 2019 Yasuwe: 5959 0

Nick Minaj agiye gukorana indirimbo na Mama we ihimbaza Imana

Umuraperikazi wamamaye muri Leta Zunze Ubumwe za Amerika Onika Tanya...
16 November 2019 Yasuwe: 2106 0