Umunyamidelikazi Zari yatangaje ko nta hantu na hamwe aziranye na Alex Apoko umaze iminsi agaragaza amarangamutima y’urukundo ndetse akanagaragaza ko yifuza kumurongora.Mu minsi ishize uyu muhanzi w’umunya Kenya wamamaye mu kuramya no guhimbaza Imana yagiye agaragaza kenshi ko yifuza kurongora Zari umaze amezi asaga abiri atandukanye na Diamond Platinumz.
Uyu musore w’imyaka 26 aherutse kuvuga ko yamaze kugura inka 42 zo gukwa Zari ndetse ku munsi w’ejo hashize akimara kumenya ko Zari ari buze (...)

Sponsored Ad

Umunyamidelikazi Zari yatangaje ko nta hantu na hamwe aziranye na Alex Apoko umaze iminsi agaragaza amarangamutima y’urukundo ndetse akanagaragaza ko yifuza kumurongora.Mu minsi ishize uyu muhanzi w’umunya Kenya wamamaye mu kuramya no guhimbaza Imana yagiye agaragaza kenshi ko yifuza kurongora Zari umaze amezi asaga abiri atandukanye na Diamond Platinumz.

Uyu musore w’imyaka 26 aherutse kuvuga ko yamaze kugura inka 42 zo gukwa Zari ndetse ku munsi w’ejo hashize akimara kumenya ko Zari ari buze muri Kenya yatangaje ko yamuguriye imodoka.

Gusa nubwo uyu musore adahwema kugaragariza Zari ko amukunda cyane, Zari we yatangaje ko atazi uyu musore ndetse ko atanifuza guhura na we.

Mu kiganiro The Breakfast with Stars gihita kuri Radio KISS FM yo muri Kenya muri iki gitondo cyo ku wa 11 Gicurasi 2018 ubwo abanyamakuru babiri Adelle na Shaffie bamubajije iby’urukundo rwe n’uyu muhanzi n’uburyo bahuye ntiyazuyaza kubihakana yivuye inyuma.

Aba ni abanyamakuru bavuganye na Zari akababwira ko adashaka guhura na Alex Apoko

Yagize ati: “Rwose ntabwo nzi Ringtone yemwe nta nubwo nigeze guhura nawe. Muby’ukuri ibi ni bishya mu matwi yanjye, njyewe mfite abankurikira (followers) kuri instagram barenga miliyoni 3,9. Urumva abo nabamenya bose?”

Abajijwe niba ashobora kuba yavugana na Ringtone yasubije yisekera ati ” simbishaka rwose.”Uyu mudamu ari muri iki gihugu mu rwego rwo gutangiza igitaramo The Colour Purple concert kizabera ahitwa Uhuru Gardens ejo ku ya 12 Gicurasi 2018.

Iyi modoka yari yanditseho zari imbere

Yamwumvishe kuri Radio amushyira imodoka asanga amaze kugenda

Kuri uyu wa Gatanu tariki ya 11 Gicurasi 2018, Ringtone Apoko yumvise Zari mu kiganiro kuri Kiss FM yo muri Kenya ahita yatsa imodoka yari yamuguriye arayimushyira gusa yagezeyo undi yamaze kugenda birangira atageze ku ntego ye.

Yahise ashyira kuri Instagram ifoto ye yegamye ku modoka nshya ya Range Rover iriho imitako n’amazina ya Zari avuga ko yababajwe no kuba atageze ku ntego ye gusa abwira abafana ko ‘ijambo yavuze yari arihagazeho’.

Ku ruhande rw’inyuma yari yanditseho izina rye rya Ringtone

Yagize ati “Nkimara kumva ko Zari ari mu kiganiro kuri Kiss FM hamwe na Shaffi, nahise nihutira kumushyikiriza impano ye gusa ku bw’amahirwe make nasanze yavuye kuri Radio. Ntabwo namuguriye imodoka ntafitiye ubushobozi, nayiguze nk’impano y’amasabukuru yose ntabonetsemo mu buzima bwe. Ndimo gusenga ngo uyu mwaka nzahirwe.”