Zari yatunguranye yicuza ikintu gikomeye kuri Diamond cyaba cyaramukuruye kugeza naho babana nk’umugore n’umugabo

Imyidagaduro   Yanditswe na: Martin Munezero 4 March 2019 Yasuwe: 7061

Uwahoze ari umugore wa Diamond Platnumz uzwi ku izina rya Zari The Boss Lady, nyuma yo gutandukana n’uyu muhanzi, agaragaza ko atiyumvisha neza icyatumye ashudika nawe bakageraho babana nk’umugore n’umugabo.

yu mugore yatangaje aya magambo avuga ko atiyumvisha neza ikintu cyamukuruye ngo akunde Diamond Platnumz.

Ubwo Zari na Diamond bari bagifitanye umubano, babyaranye abana babiri Tiffa, mu gihe uyu mugore yari asanzwe afite abandi bana batatu yabyaranye na Nyakwigendera Yvan Ssemwaga wari umuherwe ukomeye mu gihugu cya Uganda.

Zari yibajije iki kibazo mu gihe ku ikubitiro cyibajijweho na benshi bibaza impamvu nyakuri yaretse Yvan ufite amafaranga menshi akisangira umusore wo muri Tanzania wabaye ikirangirire mu njyana ya Bongo Fleva.

Urukundo rw’aba bombi rwatangiye kuzamo agatotsi mu mpera z’umwaka wa 2017 kubera amakuru mabi yahoraga avugwa ku mugabo we Diamond yo gukunda abagore cyane no kubyarana na bamwe batasenyeraga umugozi umwe na Zari Hassan barimo Hamisa Mobetto.

Uku gucana inyuma kwatumye mu mezi ya mbere y’umwaka wa 2018, Zari afata umwanzuro wo gutandukana n’uyu muhanzi kugira arusheho kugira amahoro n’umutuzo muriwe, gusa icyo gihe yatangaje ko nubwo yiyemeje kubaho wenyine agifite aho ahuriye na Diamond nko kunganya inshingano mu kurera abana babiri babyaranye.

Nyuma y’ibi, Zari yagiye agaragaza ko kuva yatandukana na Diamond, ariwe wikoreye umutwaro wo kurera abana babyaranye kandi nyamara na Diamond yakagombye kugira umutima wo guharanira imibereho myiza y’abamukomokaho.

Ibi byatumye uyu mugore atangaza ko Diamond ari umugabo gito utazi kwita ku bana yabyaye.

Uretse kuba Zari yicuza umubano yagiranye na Diamond bikomotse ku kuba yarakunze ku mutererana, anemeza ko uyu muhanzi atari umugabo mwiza wakwizerwa n’inkumi iyariyo yose bakungitse bitewe n’uburyo ahinduranya abagore nk’uhindura imyambaro.

Ibi byo yabigarutseho asa nugira inama umukunzi mushya wa Diamond witwa Tanasha Donna Oketch, avuga ko bigoye cyane ko uyu mukobwa yazahaza ibyifuzo by’umugabo we akamuca kujya mu bandi bagore.

Zari Hassan yatandukanye na Diamond Platnumz ku munsi w’abakundanye taliki 14 Gashyantare 2018, kugeza ubu uyu mugore akaba avugwaho kuba mu rukundo n’umugabo umwe wahoze ari inshuti y’umugabo we wa mbere, mu gihe Diamond we amaze kuvugwa mu nkundo n’abakobwa barenga batatu bose.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bushali na mugenzi we bakorana injyana ya Kinyatrap batawe muri yombi na...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 1023 0

Itariki itazibagirana ku bakunzi ba nyakwigendera Lucky Dube

Lucky Philip Dube ni we mucuranzi wagurishije muzika ye kurusha abandi muri...
18 October 2019 Yasuwe: 387 0

Mama wa Diamond yabatengushye ashyira hanze amafoto y’umwana aherutse...

Byari bizwi ko Diamond Platnumz yerekana isura y’umwana we hashize iminsi 40...
18 October 2019 Yasuwe: 2018 0

Umunyarwandakazi Kate Bashabe yavuze ku rukundo biri kuvugwa ko ruri kuvuza...

Umunyamideri w’umunyarwandakazi Kate Bashabe yavuze ko iby’urukundo...
18 October 2019 Yasuwe: 1682 0

Umugore w’icyamamare muri Filimi yitwa ’Tarzan’ yatewe icyuma n’umwana wabo...

Umugore w’uwahoze ari umukinnyi wa filimi yamenyekanye cyane yitwa ‘Tarzan’...
18 October 2019 Yasuwe: 1419 0

Clarisse Karasira yahishuye impamvu nyamukuru zatumye atandukana na Alain...

Clarisse Karasira ni umwe mu bahanzikazi bagezweho muri iki gihe, ni umwe...
17 October 2019 Yasuwe: 4451 0