Zari yashyize hanze amafoto ye hanze yambaye umwambaro wa Bikini maze abamukurikira bamwibutsa ko ari umubyeyi w’abana bakuru adakwiriye kwifotoza ayo mafoto ngo ayasakaze hanze.

Sponsored Ad

Umuherwekazi Zari Hassan uri mu bagore babyaranye n’umuhanzi Diamond kuri ubu ari mu munyenga w’urukundo n’umusore wahoze ari inshuti ikomeye y’umugabo we Ivan witabye Imana,ari nabyo biri gutuma akora ibikorwa bidasanzwe arimo guterwa n’uyu mukunzi we mushya.

Iyi foto Zari yashyize hanze igaragaza Tatto yashyize ku kibuno

Kuri uyu wa Mbere tariki 11 Mata 2019 nibwo yashyiraga hanze amafoto ubwo yari ahantu hamwe hatamenyakanye arimo koga yambaye umwambaro utavugwaho rumwe na benshi uzwi nka Bikini,maze aya mafoto ayashyira kuri instagram kuri konte ye.

Bamwe mu bamukurikira babonye aya mafoto bamwe bamushimangije bamubwira ko ari umugore w’uburanga,mu gihe abandi bamwibukije ko agomba kwiha agaciro kuko ibikorwa akora ubusanzwe bikorwa n’abakobwa bafite amaraso ashyushye kandi we akaba ari umugore umaze kugira abana bakuru.

Bamwibukije kandi ko ayo mafoto ashobora kuzamugiraho ingaruka mbi mu buzima bwe ubwo azaba ageze mu zabukuru,ndetse bamusaba ko yashyira hasi ibikorwa bijyanye no kwiyereka abantu mu myambaro nkiyo bamwe bita ko iteye isoni cyane ku mugore umaze gukuza abana bane.

Izi foto zisohotse nyuma yuko Zari yibasiye umukunzi wa Diamond uzwi nka Tanasha nyuma yo kumubwira ko atazigera ahindura imico mibi yokamye umusore bakundana, aho yongeyeho ko azamutera inda nawe agahita amubenga nkuko yabikoze abandi bagore bose bakundanye.

Twakwibutsa ko Zari ari umwe mu bashabitsikazi babigize umwuga aho afite amaduka akomeye muri Uganda na Afurika y’Epfo acuruza ibijyanye n’imyambaro y’abagore ndetse n’ibindi bijyanye n’ibirungo byifashishwa n’abagore.