addresiya
Kigali
startimes

Abababajwe n’urugomo rwakorewe abafana n’abasifuzi kuri Stade Amahoro Rayon Sports yakiriye APR FC barasaba FERWAFA kugira icyo ikora [AMAFOTO]

Imyidagaduro   Yanditswe na: Dusingizimana Remy 22 April 2019 Yasuwe: 6198

Mu mukino w’ishyiraniro wabaye kuwa Gatandatu taliki ya 20 Mata 2019,bamwe mu bafana bagaragaye barwana nyuma y’aho Rayon Sports yari imaze gutsinda APR FC igitego 1-0 ndetse n’abakinnyi ba APR FC bagaragaye bari gushaka gukubita abasifuzi.



Kubera ubu bushyamirane bwabereye muri stade nyuma y’uyu mukino bamwe mu bafana baganiriye n’umuryango batangaje ko uru rugomo rugomba gucika ndetse basaba FERWAFA kugira ibihano yafatira amakipe yombi.

Uretse aba bafana barwanye nyuma y’umukino,abakunzi ba ruhago baganiriye n’Umuryango bawutangarije ko bababajwe n’ibikorwa by’abakinnyi ba APR FC bashatse kwendereza abasifuzi,bamwe babatunga intoki,abandi barabatuka cyane.

Aka gasuzuguro gakabije kakorewe aba basifuzi bakomeye mu Rwanda kabababaje bamwe mu bakunzi ba ruhago bakunda umupira ndetse basaba ko FERWAFA yashyiraho ubundi buryo bwarengera umusifuzi igihe cyose asagarariwe mu buryo bunyuranye nko kumutunga intoki,kumutuka byo kumwandagaza mu buryo ubwo aribwo bwose bikozwe n’abafana ndetse n’abakinnyi.

Nubwo muri uyu mukino ikipe ya APR FC yagaragaje kutishimira imisifurire,amashusho yagiye hanze yagaragaje ko ibyemezo bikomeye abasifuzi bafashe birimo coup Franc yahawe Muhadjiri ku munota wa 80 benshi bavuga ko ari penaliti ndetse na penaliti yo ku munota wa nyuma yahawe Rayon Sports byari bikwiriye.

Benshi bemeje ko ibi bintu abakinnyi bo mu Rwanda bakora byo kwirunda ku musifuzi igihe cyose afashe icyemezo,bakamutunga intoki,abandi bakamutuka ibitutsi biremereye nibikomeza, abasifuzi bazatakaza umuco w’ubunyangamugayo mu rwego rwo kwirinda kwiteranya.

Amakuru agera ku Umuryango ni uko hari umuntu wari wambaye imyenda y’umukara washatse gukubitira abasifuzi mu rwambariro nyuma y’umukino wo kuwa Gatandatu,abashinzwe umutekano barahagoboka.

Nyuma y’ifirimbi ya nyuma,umukinnyi wa APR FC,Imran Nshimiyimana yasatiriye umusifuzi n’uburakari bwinshi cyane, amutunga urutoki,umuvugizi wa FERWAFA,Bonnie Mugabe arahagoboka.

Abasifuzi b’u Rwanda bamwe basifura uyu mukino w’ishyiraniro bafite ubwoba kubera amagambo mabi babwirwa n’abakinnyi b’aya makipe bakunda kuburana n’amafuti mu rwego rwo kwereka abafana babo ko barenganye nyamara nabo ubwabo bazi neza ko bari mu makosa.

Muri RDC niho abasifuzi bajya mu kibuga nta kirengera bafite,agasifura umukino ameze nk’utunzwe imbunda, yawurangiza akiruka amasigamana agana mu rwambariro.

Uru rugomo rwakorewe abasifuzi kuwa Gatandatu rwatumye abakunzi ba ruhago batashatse ko amazina yabo atangazwa basaba FERWAFA kongera gushyiraho amategeko atuma abasifuzi batekana ndetse n’abafana bagaragayeho ikinyabupfura gike bagahanwa by’intangarugero n’amakipe yabo dasigaye.








Amafoto:IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mbogo

    video zose zirikwerekana ko abasifuzi basifuye neza100%, ahubwo bakwiye ishimwe.

    April 2019
  • chat_bubble gabo

    Ariko nabo bage bareka kuboma kuko nibyo bizana amahane

    April 2019
  • chat_bubble Kamari Emile

    ariko nabo bajye basifura bareke kwihindura abakinnyi, ngohatsinde uwabigenewe ahogutsinda uwabikoreye.

    April 2019
  • chat_bubble Rosette

    uwo muntu wari wambaye imyenda y’umukara wasagariye abasifuzi mu rwambariro,hatangwe amakuru amenyekana ahanwe, ntawe uri hejuru y’amategeko hano mu Rda.

    April 2019
  • chat_bubble ka.do

    Aba basifuzi barambabaje nanubu sinzi uko bizamvamo .Mukuri FERWAFA nifatire hafi kuko byazakwangiza ruhago mu Rwanda.Ikindi nisabira amafan cleb mwegere abanyamuryango banyu kuko abakora urugomo ashobora kuba ari ababihishamo

    April 2019

Inzindi nkuru

LA Galaxy yirukanye umukinnyi wayo imuziza amagambo yuzuye urwango yavuzwe...

Ikipe ya LA Galaxy yirukanye umukinnyi wayo wo hagati witwa Aleksandar...
6 June 2020 Yasuwe: 1357 0

Gatsibo: Ushinzwe imibereho myiza y’abaturage mu kagari ka Nyabikiri yatawe...

Umukozi ushinzwe iterambere n’imibereho myiza y’abaturage mu Kagari ka...
6 June 2020 Yasuwe: 1270 0

Rayon Sports yanze ubwegure bw’Umunyamabanga wayo wari weguye mu minsi...

Ikipe ya Rayon Sports yatesheje agaciro ubwegure bw’umunyamabanga mukuru...
6 June 2020 Yasuwe: 1730 0

Kakule Mugheni yasezeye ku bakunzi ba Rayon Sports nyuma yo kutumvikana...

Umukongomani Kakule Mugheni Fabrice yasezeye ku bakunzi ba Rayon Sports...
6 June 2020 Yasuwe: 2017 0

Luka Modric yahishuye uko Mourinho yari agiye kurwanira na Cristiano...

Umukinnyi wo hagati mu ikipe ya Real Madrid yatangaje ko muri 2013 mugenzi...
6 June 2020 Yasuwe: 1878 0

Gicumbi FC yiyemeje kurega FERWAFA yayimanuye mu kiciro cya kabiri muri...

Nyuma y’uko Gicucmbi FC ijuririye icyemezo cya Komite nyobozi cyo kuyimanura...
6 June 2020 Yasuwe: 937 0