skol
Kigali
startimes

Abafana ba FC Barcelona bateye Antoine Griezmann bamutegeka gukorera Messi ikintu kidasanzwe

Imyidagaduro   Yanditswe na: Dusingizimana Remy 21 November 2020 Yasuwe: 5475

Abafana ba FC Barcelona bari bariye karungu batatse imodoka ya Antoine Griezmann bamutegeka kubaha mugenzi we bakinana akaba na kapiteni we Lionel Messi.


Rutahizamu Antoine Griezmann yananiwe kwitwara neza muri FC Barcelona nyuma yo kuyerekezamo mu mwaka ushize aguzwe akayabo ka miliyoni 108 z’amapawundi.

Mu minsi ishize nibwo hagiye hanze amakuru ko uyu mukinnyi utaramara igihe muri FC Barcelona afitanye umubano mubi na Lionel Messi,umunyabigwi w’ikipe.

Uyu rutahizamu yigeze nawe gutangaza ko bigoye ko yagirana umubano wihariye na Messi kuko ngo batavugana cyane.

Mu cyumweru gishize nyirarume wa Antoine Griezmann yavuze ko imyitozo ya FC Barcelona ikoreshwa ku neza ye ndetse igamije iterambere rye gusa.

Icyakora muri iki cyumweru Messi yavuze ko arambiwe kwitirirwa ibintu byose byo muri FC Barcelona by’umwihariko ibibi biyibamo.

Mu ijoro ryo kuwa Kane,abafana benshi buzuye ku modoka ya Antoine Griezmann ubwo yari avuye mu myotozo y’ikipe bamusaba ko yakubaha kizigenza wabo Lionel Messi.

Umwe mu bantu yanditse kuri Twitter ati “Lionel Messi n’umukinnyi w’ibihe byose ariko Antoine Griezmann arashinjwa kutamwubaha nubwo atajya afungura umunwa we.”

Undi yagize ati “Ibaze uramutse nta kintu gishimishije wakora.”Undi ati “Indyarya.”

Antoine Griezmann ari kwitegura guhangana n’ikipe ya Atletico Madrid yahozemo nubwo amaze gutsinda ibitego 2 gusa mu mikino 7 ya La Liga.

Eric Olhats,wahoze ashinzwe gushakira amakipe Antoine Griezmann aherutse gutangaza ko Lionel Messi yagize uruhare runini mu kwangiza impano y’uyu wahoze ari umukiriya we.

Uyu mugabo yavuze ko nyuma y’aho Antoine Griezmann agereye muri Barcelona avuye muri Atletico Madrid kuri miliyoni 107 z’amapawudi mu mwaka ushize,yagowe bikomeye na Lionel Messi.

Bwana Eric Olhats yashinje Lionel Messi kuba umunyagitugu ndetse no kugira iterabwoba mu ikipe ya FC Barcelona cyane ko ngo ariwe ugenga ibikorwa byose by’iyi kipe.

Ati “Antoine yagiye mu ikipe iri mu bibazo aho Messi ayobora buri kimwe.Ku ruhande rumwe aba ari umwami w’abami urundi akaba umutegetsi ukomeye ntabwo yigeze areba ijisho ryiza Antoine akimara kuhagera.

Nkunda kumva Antoine avuga ko nta kibazo afitanye na Messi ariko ntabwo aribyo.Ni umwe mu bagira iterabwoba waba uri ku ruhande rwe cyangwa mutari kumwe.

Ku ruhande rwanjye,Messi yavuze ko ashaka kugenda kugira ngo arebe uruhare afite mu gufata ibyemezo ku bijyanye n’abakinnyi binjiye n’abagenda ariko ntabwo yagiye.Messi n’igitangaza.

N’umukinnyi mwiza mu kibuga ariko inyuma yacyo ni mubi. Barcelona iri mu bibazo.Muri iriya kipe harimo kanseri yayigizeho ingaruka.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusifuzi Ali Bin Nasser wo muri Tunisia yishimiye ko yafashije Maradona...

Umusifuzi wo muri Tunisia wasifuye umukino Ubwongereza butazibagirwa...
28 November 2020 Yasuwe: 1327 0

Jose Mourinho yongeye gukora mu jisho ikipe ya Chelsea bazakina

Umutoza Jose Mourinho yatangaje ko nubwo ikipe ye ya Tottenham iyoboye...
28 November 2020 Yasuwe: 2010 0

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 1320 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 996 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 5189 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2911 0