skol
Kigali
startimes

Abafana muri Tanzania bakiriye Sarpong mu buryo budasanzwe[AMAFOTO]

Imyidagaduro   Yanditswe na: Martin Munezero 22 August 2020 Yasuwe: 2424

Rutahizamu ukomoka muri Ghana, Michael Sarpong yakiriwe n’abafana ba Yanga SC agomba gusinyira amasezerano yo kuyikinira nyuma yo gutandukana na Rayon Sports yirukanwemo.


Sarpong yahagurutse i Kigali kuri uyu wa Gatanu saa tanu z’amanywa, yerekeza muri Tanzania kurangizanya gusoza ibiganiro na Yanga SC. Yageze muri Tanzania ku gicamunsi cyo kuri uyu wa Gatanu yakirwa n’abafana ba Yanga bari bamutegereje ku kibuga cy’indege.

Sarpong yari amaze iminsi ibiri mu kato nyuma yo kwitabira ibirori by’isabukuru y’amavuko y’umukunzi we, Djazila, byahuje abantu benshi ku Cyumweru hirengagijwe ingamba zo kwirinda ikwirakwira ry’icyorezo cya Coronavirus.

Byari biteganyijwe ko azerekeza muri Tanzania ku wa Gatatu hamwe n’Umujyanama we umushakira amakipe, ariko icyo gihe kigera yarashyizwe mu kato.

Michael Sarpong waherukaga kubwirwa na Simba SC ko itazamugura, yifuzwaga n’amakipe yo mu Rwanda arimo AS Kigali na Kiyovu Sports.

Michael Sarpong yageze muri Rayon Sports muri Nzeli 2018 avuye muri Dreams FC yo muri Ghana, atsinda ibitego 16 muri Shampiyona y’u Rwanda. Kugeza ku munsi wa 24 wa Shampiyona y’uyu mwaka, Sarpong yari amaze gutsindira Rayon Sports ibitego icyenda.

Mu ntangiriro z’uyu mwaka, Michael Sarpong yagiye gukora igeragezwa muri Changchun Yatai FC yo mu Bushinwa, ariko amahirwe ye akomwa mu nkokora n’icyorezo cya Coronavirus cyari kimaze gufata indi ntera muri icyo gihugu.

Yagarutse mu Rwanda muri Gashyantare, akinira Rayon Sports imikino itatu mbere y’uko shampiyona ihagarikwa kubera Coronavirus.


Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 708 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3244 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 547 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1614 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1150 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3459 0