skol
Kigali
startimes

Abahoze bakinira Arsenal n’uhagarariye Ozil batangiye kwibasira umutoza Mikel Arteta

Imyidagaduro   Yanditswe na: Dusingizimana Remy 23 October 2020 Yasuwe: 3874

Nyuma y’aho ikipe ya Arsenal yirukanye umukinnyi Mesut Ozil mu bakinnyi izakoresha muri Premier League na Europa League,bamwe mu bahoze bakinira iyi kipe bavuze ko aka ari akarengane ndetse uhagarariye Mesut Ozil.


Ku munsi w’ejo,Cesc Fabregas wakiniye Arsenal yavuze ko bibabaje kuba iyi kipe ifashe nabi umwe mu bakinnyi 5 bakomeye kurusha abandi mubo yatunze mu myaka ishize.

Mesut Ozil ushobora kutazongera kugaragara mu ikipe ya Arsenal,ntabwo aragaragara mu kibuga kuva muri Werurwe uyu mwaka ndetse agiye kuzageza mu kwezi kwa mbere adakinnye na rimwe kuko nta rutonde na rumwe yashyizweho.

Mesut Ozil uhembwa ibihumbi 350 by’amapawundi ku kwezi,yakuwe mu ikipe kubera impamvu zitandukanye zitatangajwe n’ikipe.

Jack Wilshere nawe wakiniye Arsenal yavuze ko Ozil akiri umukinnyi mwiza mu ikipe ya Arsenal nubwo yamujugunye.

Fabregas yashyize Ozil mu ikipe ye y’abakinnyi beza Arsenal yakoresheje kuva yagera ku kibuga Emirates barimo kandi Alexis Sanchez, Santi Cazorla na Aaron Ramsey.

Ozil amaze imyaka 7 mu ikipe ya Arsenal nyuma yo kuyerekezamo muri 2013 aguzwe miliyoni 42 z’amapawundi aturutse muri Real Madrid.

Mesut Ozil yahesheje Arsenal,FA Cup 3 ndetse ayifasha kubona ibitego byinshi bitewe n’ubuhanga afite bwo gukora uburyo bwinshi bubyara ibitego.

Uhagarariye Mesut Ozil witwa Dr. Erkut Sogut yanenze bikomeye Mikel Arteta avuga ko ari kubeshya.

Yabwiye ESPN ati “Abafana ba Arsenal bakeneye ubusobanuro bw’ukuri,Arteta akareka kubeshya ngo “ntabwo akeneye Ozil.”Ntabwo watengushye Ozil ahubwo wananiwe kuvugisha ukuri.Ba umunyakuri kandi wubahe umukinnyi ufite amasezerano ndetse wabereye ikipe umwizerwa.

Buri wese aziko Ozil adafashwe neza.Ntiyigeze ahabwa umwanya wo kwigaragaza muri uyu mwaka.Kuva agifite amasezerano,afite uburenganzira bwo kuguma mu ikipe akarwanira umwanya.Ibyo ntabyo Mesut Ozil yahawe.”

Umutoza Arteta yatangaje ko umutima we utekanye ndetse ko ntacyo yishinja ku mwanzuro wababaje benshi mu bakunzi ba Arsenal wo kudashyira Mesut Ozil mu bakinnyi 25 bazakina Premier League y’uyu mwaka kandi ariwe mukinnyi uhembwa amafaranga menshi kurusha abandi mu ikipe.

Yagize ati “Buri wese afite uburenganzira bwo kuvuga ibyo ashaka.Icyo navuga nuko kiriya ari icyemezo cy’umupira ndetse umutima wanjye uratuje kuko namubwije ukuri.Urwego rw’ibiganiro byanjye nawe ruri hejuru kandi buri wese azi icyo yakwitega kuri mugenzi we.

Afite amahirwe kimwe n’abandi bose.Mbabajwe nuko hari abakinnyi 3 batari ku rutonde kuko bidashimishije ariko navuga ko naganiriye na buri wese kandi buri wese yarabyakiriye.Kuri Mesut mfite ibyo byiyumvo kuko namubwiye uko mubona nkigera mu ikipe.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jose Mourinho yahaye impano itangaje umukinnyi we wahagaritse Riyad...

Umutoza wa Tottenham,Jose Mourinho,uzwiho kugira udukoryo twinshi,yahaye...
25 November 2020 Yasuwe: 2778 0

Antoine Griezmann yavuze ikintu yakoze kikababaza Messi

Rutahizamu wa FC Barcelona, Antoine Griezmann,yatangaje ko nta kibazo na...
25 November 2020 Yasuwe: 2179 0

APR FC izabanza kwakira Rayon Sports muri shampiyona [INGENGABIHE]

Hamaze kujya hanze ingengabihe y’uko amakipe azahura mu mikino ibanza ya...
25 November 2020 Yasuwe: 1668 0

Wayne Rooney yahishuye ukuntu yifuje kwerekeza muri FC Barcelona kubera...

Umunyabigwi w’ikipe ya Manchester United n’ikipe y’igihugu y’Ubwongereza,Wayne...
24 November 2020 Yasuwe: 1180 1

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 1046 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 966 0