skol
fortebet

Abakinnyi 3 bagombaga gutoranywamo uwahize abandi ku isi muri 2020 bamenyekanye

Yanditswe: Friday 11, Dec 2020

Sponsored Ad

Nubwo uyu mwaka utagenze nkuko babyifuza,Cristiano Ronaldo na Lionel Messi bongeye gushyirwa mu bakinnyi 3 bagomba guhatanira igihembo cy’umukinnyi mwiza ku isi muri 2020 kizwi nka “THE BEST”aho bahanganye n’umunya Poland, Robert Lewandowski.

Sponsored Ad

Uyu munsi nibwo FIFA yashyize hanze urutonde rw’aba bakinnyi 3 batowe na benshi gusa Robert Lewandowski niwe ufite amahirwe menshi yo kwegukana iki gihembo kubera ibikombe yatwaranye na Bayern Munich birimo na UEFA Champions League.

Mu mwaka w’imikino ushize, Lewandowski yatsinze ibitego 15 ndetse anatanga imipira 6 yavuyemo ibitego muri UEFA Champions League begukanye batsinze PSG igitego 1-0.

Messi watwaye iki gihembo muri 2019 yateje impaka cyane mu bakunzi ba ruhago kuko FC Barcelona ititwaye neza mu mwaka w’imikino ushize barangije batsinzwe ibitego 8-2 na Bayern Munich muri ¼ cya UEFA Champions League.

Benshi bavuze ko Messi na Cristiano Ronaldo bagombaga gusimburwa na Kevin de Bruyne watanze imipira 20 yavuyemo ibitego muri Manchester City na Neymar wahesheje PSG ibikombe byose byo mu Bufaransa akanayigeza ku mukino wa nyuma wa Champions League bwa mbere mu mateka yayo.

Mu batoza 3 bagomba kuvamo uwa mbere ku isi harimo Jurgen Klopp,Hans Dieter Flick na Marcelo Bielsa wagaruye Leeds mu cyiciro cya mbere mu Bwongereza nyuma y’imyaka 16 byaranze.

Ibi bihembo bizatangwa kuwa 17 Ukuboza 2020.

ABATORANYIJWE GUHATANIRA IBIHEMBO BYA FIFA THE BEST:

Umukinnyi w’umugore witwaye neza ku isi/The Best FIFA Women’s Player

Lucy Bronze (Lyon/ Manchester City)

Pernille Harder (Wolfsburg/ Chelsea)

Wendie Renard (Lyon)

Umukinnyi w’Umugabo witwaye neza ku isi/The Best FIFA Men’s Player:

Cristiano Ronaldo (Juventus)

Robert Lewandowski (Bayern Munich)

Lionel Messi (Barcelona)

Umunyezamu witwaye neza ku isi mu bagore/The Best FIFA Women’s Goalkeeper:

Sarah Bouhaddi (Lyon)

Christiane Endler (Paris Saint-Germain)

Alyssa Naeher (Chicago Red Stars)

Umunyezamu witwaye neza ku isi mu bagabo/The Best FIFA Men’s Goalkeeper:

Alisson (Brazil/Liverpool)

Manuel Neuer (Germany/ Bayern Munich)

Jan Oblak (Slovenia/Atletico Madrid)

Umutoza witwaye neza mu bagore/The Best FIFA Women’s Coach:

Emma Hayes (Chelsea)

Jean-Luc Vasseur (Lyon)

Sarina Wiegman (Holland)

Umutoza witwaye neza mu bagabo/The Best FIFA Men’s Coach:

Marcelo Bielsa (Leeds United)

Hans-Dieter Flick (Bayern Munich)

Jurgen Klopp (Liverpool)

Igitego cyiza/FIFA Puskas Award:

Giorgian De Arrascaeta – Ceara SC v Flamengo [Brasileirao - Brazil] (August 25, 2019)

Son Heung-min – Tottenham Hotspur v Burnley FC [Premier League - England] (7 December 7, 2019)

Luis Suarez – Barcelona v. Real Mallorca [LaLiga] - Spain] (December 7, 2019)


Abazatoranywamo uwahize abandi ku isi muri 2020

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa