skol
Kigali
startimes

Abakinnyi ba FC Barcelona bashwanye n’umutoza wabo bamuziza gusimbuza nabi agatuma ikipe itsindwa

Imyidagaduro   Yanditswe na: Dusingizimana Remy 29 June 2020 Yasuwe: 1433

Ishyamba s’iryeru mu ikipe ya FC Barcelona yatsikiye kuwa Gatandatu w’icyumweru gishize ikanganya ibitego 2-2 na Celta Vigo hanyuma abakinnyi b’iyi kipe bagashinja umutoza wabo Quique Setien gusimbuza nabi akabatsindisha.


Ibinyamakuru byo muri Espagne byavuze ko abakinnyi ba FC Barcelona bashwanye n’umutoza wabo Setien mu rwambariro bamushinja ubuswa mu gusimbuza bikabaviramo gutentebuka mu rugamba rwo gushaka La Liga y’uyu mwaka iri mu biganza bya Real Madrid kugeza ubu.

Nubwo Luis Suarez yari yatsindiye FC Barcelona ibitego 2 ku mipira yombi yahawe na Lionel Messi,ikipe ya Celta yari ihagaze neza cyane yabyishuye mu minota ya nyuma ibifashijwemo na Fyodor Smolov na Iago Aspas kuri coup franc nziza cyane yateye ku munota wa 88.

Ikinyamakuru Marca kivuga ko abakinnyi ba FC Barcelona barakajwe cyane n’uko umutoza Setien yinjije mu kibuga Arthur Melo na Antoine Griezmann bagasimbura Riqui Puig na Luis Suarez.

Abakinnyi ba FC Barcelona bayobowe na Messi ngo nyuma y’uyu mukino ntibatinye kubwira Setien ko ariwe watumye batakaza aya manota kuko ngo uku gusimbuza kwe kwabasubije inyuma aho kubongerera imbaraga ngo batware amanota 3.

Marca yavuze ko Atari ubwa mbere uyu mutoza yibasiwe n’abakinnyi be bamuziza imikinire ye ndetse ngo bamwe bamutakarije icyizere ntibamubonamo umutoza wabafasha gutwara ibikombe.

Luis Suarez nyuma y’umukino ntiyatinye kuvuga ko ababishinzwe aribo batumye batakaza aya manota y’ingenzi yagombaga kubafasha gukomeza guhangana na Real Madrid.

Yagize ati “Hanze y’ikibuga cyacu turi gutakaza amanota y’ingenzi tutakundaga gutakaza mu myaka yashize.”

Impamvu ikomeye yatumye Setien asimbura, Ernesto Valverde,harimo ko uyu mugabo yatakazaga cyane hanze ariko n’uyu wamusimbuye nta tandukaniro yashyizemo.

Nyuma yo guatakaza amanota,myugariro Pique we yagaragaje ko atacitse intege mu butumwa yanyujije kuri Twitter,kuko yavuze ko guhatana kugera ku munota wa nyuma biri mu turemangingo tugize FC Barcelona ndetse ngo biteguye kwigaragaza ku mukino bafitanye na Atletico Madrid kuri uyu wa Kabiri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Murenzi Abdallah yagizwe perezida w’inzibacyuho wa Rayon Sports...

Urwego rw’igihugu rw’imiyoborere,RGB,rwatangaje ko Murenzi Abdallah wigeze...
23 September 2020 Yasuwe: 1732 0

Cristiano Ronaldo na Messi ntibabonetse mu bakinnyi 3 bagomba gutoranywamo...

Abakinnyi 3 barimo Robert Lewandowski, Manuel Neuer na De Bruyne nibo...
23 September 2020 Yasuwe: 1516 0

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 2475 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 1960 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1741 0

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2812 0