addresiya
Kigali
startimes

Abakinnyi ba Juventus n’umutoza Maurizio Sarri bemeye kumara amezi 4 badahembwa kubera Coronavirus

Imyidagaduro   Yanditswe na: Dusingizimana Remy 29 March 2020 Yasuwe: 757

Abakinnyi b’ikipe ya Juventus n’umutoza wabo Maurizio Sarri bemeye ko imishahara yabo ihagarikwa mu gihe cy’amezi ane mu kurinda ikipe yabo igihombo cya miliyoni zigera kuri 90 z’ama-euro kubera iki cyorezo cya coronavirus.



Imikino yose mu gihugu cy’Ubutaliyani yarahagaritswe kugeza nibura ku itariki ya gatatu y’ukwezi gutaha kwa kane.

Ni cyo cyibasiwe cyane na coronavirus i Burayi, aho abarwayi barenga 92,000 barwaye indwara y’ubuhumekero ya Covid-19 iterwa n’iyo virusi.

Abarenga 10,000 imaze kubica muri icyo gihugu naho abarenga 12,000 barayikize, nkuko imibare ya Kaminuza ya Johns Hopkins yo muri Amerika ibigaragaza.

Abo bakinnyi ba Juventus bemeye kwigomwa umushahara barimo nka rutahizamu Cristiano Ronaldo ukomoka muri Portugal n’umukinnyi wo hagati wo muri Wales, Aaron Ramsey.

Ntabwo bazahembwa umushahara wabo w’uku kwezi kwa gatatu, ukwa kane, ukwa gatanu n’ukwa gatandatu.

Iyi kipe ni yo iyoboye urutonde rwa shampiyona ya Serie A, ikaba irusha inota rimwe ikipe ya Lazio.

Mu gihe umupira w’amaguru waba wongeye gusubukurwa muri iki gihugu, ubuyobozi bwa Juventus buvuga ko buzongera kubisuzuma "bushyize mu gaciro".

Mu itangazo ubuyobozi bw’iyi kipe yegukanye igikombe cya shampiyona y’Ubutaliyani mu myaka umunani ishize bwasohoye, bwagize buti:

"Juventus yifuzaga gushimira abakinnyi n’umutoza ku bwitange bwabo muri iki gihe gikomereye buri wese".

Abakinnyi bo mu yandi makipe amwe akomeye y’i Burayi, barimo aba Bayern Munich na Borussia Dortmund yo mu Budage, na bo bemeye kugabanyirizwa umushahara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1566 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2343 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4721 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3477 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7930 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 5149 0