skol
Kigali
startimes

Abakinnyi ba Manchester United barambiwe Ole Gunnar Solskjaer kubera impamvu itangaje

Imyidagaduro   Yanditswe na: Dusingizimana Remy 16 October 2020 Yasuwe: 8573

Benshi mu bakinnyi ba Manchester United batangiye gusuzugura umutoza wabo Ole Gunnar Solskjaer kubera imyitozo ye yibanze itagira icyo ibafasha cyane ko ngo nta dushya turimo twabafasha kuzamura urwego rwabo.


Ibibazo byatangiye kuvuka muri United bitewe n’imyitozo iri ku rwego rwo hasi y’umutoza Ole Gunnar Solskjaer ndetse ngo abakinnyi barimo Pogba na Bruno Fernandes ntibari kuvuga rumwe n’uyu mugabo kubera ukuntu bagenda basubira inyuma.

United yatangiye nabi uyu mwaka w’imikino itsindwa imikino 2 muri 3 imaze gukina aho yananyagiwe ku buryo bugayitse n’ikipe ya Tottenham ibitego 6-1.

Muri iyi wikendi,iyi kipe irasura Newcastle United aho iraba igiye gushaka uko yakwikuraho igisuzuguriro yatewe na Tottenham gusa benshi mu bakinnyi bayo ntibishimiye imyitozo bari guhabwa na Ole.

Ikinyamakuru The Independent cyatangaje ko umwe mu bakinnyi ba Manchester United yabwiye inshuti ye ko imyitozo bari gukora iciriritse ndetse ngo nta n’agashya karimo.

Umutoza Ole Gunnar Solskjaer ntabwo atekanye kubera gutsindwa ku iyi kipe ari nayo mpamvu ngo n’abakinnyi badahagaze neza.

Mu kwezi gutaha ikipe ya Manchester United ifite imikino ikomeye ishobora gushyira mu mazi abira akazi ka Ole Gunnar Solskjaer.

Muri UEFA Champions League,ikipe ya United izakina na Paris Saint-Germain na Istanbul Basaksehir na RB Leipzig ndetse iyi mikino yiyongeraho iyo muri shampiyona irimo uwa Chelsea,Arsenal na Everton.

Amakuru avuga ko ubuyobozi bwa United bwamaze kuvugana n’abahagarariye uwahoze atoza ikipe ya Tottenham,Mauricio Pochettino,kugira ngo azahite afata akazi igihe uyu munya Norway yakwirukanwa.

Umutoza Mauricio Pochettino amaze amezi 11 ari umushomeri nyuma yo kwirukanwa na Tottenham agasimburwa na Jose Mourinho.

Ikinyamakuru Daily Star cyaherukaga gutangaza ko abayobozi bakuru muri United batangiye guhamagara Mauricio Pochettino kugira ngo yitegure kuza gufata akazi igihe Ole azaba yirukanwe.

Bamwe mu bayobozi ba United basabye Solskjaer gutanga umusaruro bitaba ibyo akirukanwa mu gihe umuyobozi w’iyi kipe Ed Woodward yanze kumwirukana.

Guhamagara Pochettino n’uguteganya ko Ole ashobora kwirukanwa mu minsi iri imbere akaba yahita amusimbura.

Pochettino yatangiye gutoza Spurs muri 2014 ariko mu myaka 5 yakurikiyeho yayigejeje ku mukino wa nyuma wa UEFA Champions League.

Muri iyo myaka,Tottenham yimukiye kuri stade yayo nziza ndetse uyu munya Argentina yazamuye abakinnyi benshi bakomeye bavuye mu ishuri ry’umupira w’amaguru barimo na Harry Kane.

Ole ntabwo aragera ku mutima abakunzi ba United nubwo yabashije kurangiza ku mwanya wa 3 mu mwaka w’imikino ushize.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3428 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3337 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4052 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4972 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4809 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4836 0