addresiya
Kigali
startimes

Abakinnyi ba Manchester United biyemeje gukora igikorwa cyananiye bagenzi babo bo muri Premier League

Imyidagaduro   Yanditswe na: Dusingizimana Remy 3 April 2020 Yasuwe: 4129

Abakinnyi b’ikipe ya Manchester United biyemeje kuba aba mbere muri Premier League bemeye kugabanya umushahara wabo kugira ngo batange inkunga ifasha abaganga bo mu Bwongereza bavura Coronavirus batamerewe neza.



Nkuko ikinyamakuru The Sun kibitangaza,abakinnyi ba Manchester United biyemeje kugabanya 30 % by’umushahara wabo ukajya gufasha abaganga ba National Health Service [NHS] bafite akazi kenshi kubera icyorezo cya Coronavirus.

Amakuru avuga ko kapiteni wa Manchester United Harry Maguire yaganiriye na bagenzi be bakinana bemeranya ko bagabanya uyu mushahara wabo kuri iki kigero kugira ngo haboneke ubufasha bwo guha abaganga.

The Sun yavuze ko Harry Maguire uhembwa ibihumbi 190 by’amapawundi ku cyumweru,yegerewe n’umuyobozi wa United, Ed Woodward,amusaba ko yaganiriza bagenzi be ku byerekeye kuba batanga ubufasha ku mishahara yabo ugahabwa NHS birangira nabo babyemeye ndetse ngo baraza kubitangaza ku mugaragaro mu minsi mike.

Abakinnyi n’abatoza ba United babereye icyitegererezo abandi bakinnyi bo mu yandi makipe bo banze no kugabanya n’ipawundi rimwe ku mushahara wabo nkuko ibinyamakuru byo mu Bwongereza byabitangaje mu ntangiriro z’iki cyumweru.

Aba bakinnyi nibatangira gutanga aya mafaranga bazafasha [NHS] kwinjiza nibura miliyoni 8 z’amapawundi muri iki gihe iyakeneye cyane.

Manchester United niyo kipe ihemba umushahara uri hejuru kurusha izindi mu Bwongereza aho mu mwaka ushize yahembye miliyoni 332 z’amapawundi.

Muri Espagne ho, abakinnyi ba FC Barcelona bemeye gukatwa umushahara wabo ku kigero cya 70 % ndetse babwiye perezida Josep Maria Bartomeu ko biteguye gukusanya amafaranga yo guhemba abandi bakozi bahembwa make kugira ngo bo bajye bahembwa 100%.

Abakozi basanzwe ba FC Barcelona bari banze gukatwa imishahara yabo ku kigero cya 70% cyane ko bahabwa 3.7% by’ingengo y’imari ya FC Barcelona mu bijyanye n’umushahara mu gihe abakinnyi bo batwara 61%.

Mu mwaka w’imikino ushize,FC Barcelona niyo kipe yinjije amafaranga menshi ku isi angina na miliyoni 840.8 z’amayero (£726m) gusa ni nayo ihemba amafaranga menshi kurusha izindi ku isi aho Messi wenyine yinjiza miliyoni 35 z’amayero ku mwaka mu gihe Antoine Griezmann we ageze kuri miliyoni 17 z’amayero ku mwaka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3642 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2084 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1866 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3334 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2466 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2029 0