Kigali
startimes

Alex Song yavuze ikintu gikomeye cyamuteye kuva muri Arsenal akerekeza muri FC Barcelona

Imyidagaduro   Yanditswe na: Dusingizimana Remy 20 May 2020 Yasuwe: 1434

Umunya Cameroon Alex Song,wagiriye ibihe byiza muri Arsenal yatangaje ko impamvu nyamukuru yatumye ava muri iyi kipe yo mu Bwongereza akerekeza muri FC Barcelona ari uko yahawe amafaranga menshi cyane akabura imbaraga zo kuyanga.



Alex Song yerekeje muri FC Barcelona mu mpeshyi ya 2012 aguzwe miliyoni 15 z’amapawundi muri Arsenal gusa yavuze ko kumva iyi kipe yo mu mujyi wa Catalonia yemera kumuhemba ibihumbi 70 kandi yarahembwaga 55 buri cyumweru muri Arsenal byatumye adatekereza kabiri.

Song yavuze ko atigeze ajijinganya ubwo yumvaga FC Barcelona yemeye kuzamura umushahara we kuko ngo hari ibyo yifuzaga kugura birimo n’imodoka zihenze.

Mu kiganiro yagiranye na mugenzi we ukina Basketball muri Toronto Raptors witwa Pascal Siakam Song w’imyaka 32 yagize ati “Nahuye n’umuyobozi w’imikino muri FC Barcelona ambwira ko ntazajya nkina imikino myinshi.”

Muri iki kiganiro aba bombi bagiranye kuri Instagram Live,Song yakomeje agira ati “Gusa sinigeze mbitekerezaho.Nahise numva ko ngiye kuba miliyoneri.Ubwo FC Barcelona yampaga amasezerano nkabona amafaranga nari ngiye kujya mpembwa,sinigeze ntekereza kabiri.

Nkunda kuvuga ko umusore w’imyaka 20 utwara Ferrari aba ari umukene kuko kuri iyo myaka ntacyo uba urakora.Umugabo w’imyaka 50 utwaye Bentley niwe mugabo wo kubahwa.

Alex Song wamaze imyaka 6 muri Arsenal kuko yayigezemo muri 2006,yavuze kandi ukuntu yatunguwe n’imodoka Thierry Henry yari atwaye ubwo bari bagiye mu myitozo.

Yagize ati “Ubwo nageraga muri Arsenal…Nagiye mu myitozo mbona umwami arahageze [Thierry Henry] ari mu modoka nziza cyane.Iyo modoka yari umutako ku buryo nahise numva nanjye nkeneye imodoka nk’iyo uko igiciro cyayo cyaba kingana kose.

Ndarahira ko nyuma y’amezi 2 imodoka yanjye yari ije.Amafaranga yanjye yose yagendaga kuri lisansi mpita nsaba ngo mumpe Toyota.

Nsubiye mu myitozo Titi [Thierry Henry] yahise ambaza ati “Muhungu wanjye,imodoka irihe?”ndamusubiza nti “ntabwo iriya iri ku rwego rwanjye.”

Song yatwaye La Liga na Supercopa de Espana muri Espagne ahava atizwa hirya no hino nko muri Westham nyuma yerekeza muri Rubin Kazan.

Alex Song yagowe no kubona umwanya wo gukina muri FC Barcelona kubera ubuhanga budasanzwe bw’abakinnyi yari ifite barimo Xavi,Iniesta na Sergio Busquets yari ifite.

Mu minsi ishize,Alex Song na bagenzi be birukanwe n’ikipe ya FC Sion yo mu Busuwisi kubera ko yabasabye kugabanya umushahara kubera Coronavirus bakabyanga.




Imodoka ya Henry yatumye Song yifuza amafaranga menshi ngo agure nyinshi zihenze

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1300 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2422 0

Rayon Sports yasabye APR FC kongera kuyitiza Sugira Ernest

Ikipe ya Rayon Sports yashimye umusaruro Sugira Ernest yayihaye ariyo...
10 July 2020 Yasuwe: 998 0

Thierry Henry yapfukamye iminota 8:46 mbere y’umukino yibuka George Floyd...

Thierry Henry, umutoza w’ikipe ya Montreal Impact akaba n’icyamamare mu...
10 July 2020 Yasuwe: 1824 0

KNC yareze Rayon Sports muri FERWAFA ko ishaka kumutwarira umukinnyi...

Umuyobozi w’ikipe ya Gasogi United,Kakoza Nkuliza Charles (KNC),yandikiye...
9 July 2020 Yasuwe: 3931 0

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 2186 0