addresiya
Kigali
startimes

Alexis Sanchez yatangaje ikintu gikomeye anenga umutoza Jose Mourinho wamuzanye muri Manchester United

Imyidagaduro   Yanditswe na: Dusingizimana Remy 22 May 2020 Yasuwe: 2139

Rutahizamu Alexis Sanchez wa Manchester United ariko watijwe muri Inter Milan yavuze ko nubwo Jose Mourinho ari umutoza mwiza ku isi ariko afite ingeso mbi yamwangiye yo guhindagura ikipe ibanza mu kibuga bigatuma bamwe basubira inyuma.



Rutahizamu Alexis Sanchez yagowe no kwisanga mu ikipe ya Manchester United kuko yayigezemo akabura umwanya bigatuma asubira inyuma cyane.

Uyu munya Chile wavuye muri Arsenal ari kizigenza,yageze muri Manchester United abura umwanya wo gukina kugeza ubwo yatijwe muri Inter Milan arimo ubu ngubu.

Mu kiganiro yahaye BBC,yagarutse ku kintu yanenze umutoza Jose Mourinho ati “Mvuga ibintu uko biri kandi binandimo,Mourinho n’umwe mu batoza beza ku isi kubera ukuntu atoza,uburyo yiga amashusho y’amakipe bahanganye nuko afata ibintu.

Buri mukinnyi wese yabaga aziko ari mu ikipe atayirimo.Rimwe narakinaga ubundi sinkine.Nk’umukinnyi ibyo bigusubiza inyuma ugatakaza ikizere.Buri mukinnyi wese yatakaje icyizere.”

Uyu mukinnyi ugifite amasezerano azamugeza mu mwaka w’imikino 2021/22 yasoje iki kiganiro agira ati “Umwuka Mourinho yashyize mu ikipe,nta cyizere watangaga.Rimwe na rimwe nakinaga neza nkanatsinda igitego ariko nkabona ankuye mu kibuga.Navagamo ndi kuvuga nti “Nkunda umupira,nkunda umupira kuko natangiye kuwukina ku myaka 5.Niba bambujije gukina banantwaye n’umunezero.”

Muri Kanama umwaka ushize nibwo rutahizamu Alexis Sanchez yasabye ikipe ya Manchester United kumurekura akigira muri Inter Milan igitaraganya kubera amagambo yabwiwe na Ole Gunnar Solskjaer wasimbuye Jose Mourinho ko azakina muri Europa League no mu bikombe by’igihugu gusa.

Nkuko ikinyamakuru Daily Star cyabitangaje,umutoza Ole Gunnar Solskjaer wa Manchester United ngo yabwiye uyu munya Chile ko atazigera amuha umwanya uretse muri Europa League,Carabao na FA Cup gusa birangira asabye ko bamurekura akigira muri Inter Milan.

Kuwa 29 Kanama 2019 nibwo ayo makuru yamenyekanye nyuma y’umunsi umwe gusa Sanchez ageze I Milan aho yatijwe umwaka umwe.

Sanchez wananiwe kwigaragaza muri United,yababajwe no kumva ko atazigera akina muri Premier League bituma yifuza guhunga akisangira mugenzi we Lukaku bakinanaga.

Mu mezi 18 Sanchez yamaze muri Manchester United,ntiyahiriwe no kubona ibitego kuko mu mikino 31 yakinnye yatsinze ibitego 5 gusa ariyo mpamvu yerekeje I San Siro gushaka uko yagaruka mu bihe byiza nubwo iyi kipe yamutiye umwaka umwe nta gahunda ifite yo kumugura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 2889 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 1768 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1784 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3215 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2428 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2007 0