skol
fortebet

Amafaranga FC Barcelona yaciwe kubera amakosa yakoze mu kugura Griezman yatunguye benshi

Yanditswe: Thursday 26, Sep 2019

Sponsored Ad

Nubwo byari byitezwe ko Ishyirahamwe ry’umupira w’amaguru muri Espanye (RFEF) rizaca akayabo k’amamiliyoni ikipe ya FC Barcelona kubera ko yatangiye kuganiriza umukinnyi wa Atletico Madrid igihe kitaragera,uyu munsi iyi kipe y’ubukombe yategetswe kwishyura amayero 30 gusa.

Sponsored Ad

Atletico Madrid yasabaga ko ku kiguzi cya miliyoni 107 z’amapawundi yaguzwe Griezmann hakwiyongeraho miliyoni 70 z’amapawundi kubera ko FC Barcelona yishe amabwiriza agenga isoko ryo kugura abakinnyi,ikamuganiriza hakiri kare byatumye asubira inyuma mu mikinire.

Uyu munsi RFEF yaciye Barcelone amande y’ama-euro 300 (angana n’ibihumbi 300 by’amafaranga y’u Rwanda) kubera iki cyaha yafashe ko kidakomeye cyo kugura umukinnyi Antoine Griezmann kandi yari akiri umukinnyi w’ikipe y’abacyeba ya Atletico Madrid.

Ishyirahamwe RFEF ryemeje ko Barcelona yarenze ku mategeko mu kugirana ibiganiro na Griezmann nta ruhushya isabye Atletico Madrid ndetse iza kumwegukana ku itariki ya mbere Nyakanga uyu mwaka. Ishyirahamwe RFEF ryavuze ko rutahizamu Griezmann we nta ruhare abifitemo.

Aya mayero 300 FC Barcelona yaciwe kuri Griezmann ni make cyane kuko uyu mukinnyi ayakorera mu minota 10 gusa.

Iri shyirahamwe ryategetse ko aya mafaranga FC Barcelona igomba kuyishyura Atletico Madrid gusa nubwo ari make iyi kipe y’I Catalunya ngo igiye kujuririra iki cyemezo.

Andi makuru ari muri FC Barcelona ni uko rutahizamu wayo Messi ashobora kumara imikino 3 adakina kubera imvune yagize ku mukino wa Villareal.

Hirya no hino mu binyamakuru no ku mbuga nkoranyambaga ntabwo bari kwiyumvisha ukuntu ikipe nka Barcelona ikize cyane icibwa uru rusenda kandi ihamwa n’icyaha.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa