addresiya
Kigali
startimes

Amakipe ya nyuma muri Premier League arashinjwa guteza akavuyo asaba ko shampiyona igirwa imfabusa

Imyidagaduro   Yanditswe na: Dusingizimana Remy 4 May 2020 Yasuwe: 1829

Amakipe ari mu myanya mibi muri Premier League arifuza ko iyi shampiyona y’uyu mwaka 2019-2020 yagirwa imfabusa bikayafasha kuguma mu kiciro cya mbere gikinwa n’umugabo kigasiba undi.



Abashinzwe gutegura iyi shampiyona barasaba amakipe yose kunga ubumwe agafatira hamwe umwanzuro mwiza wo gusubukura iyi shampiyona muri Kamena ariko amakipe 6 ya nyuma ngo ntabikozwa yo arifuza ko shampiyona yagirwa imfabusa ntihagire uhabwa igikombe cyangwa ngo amanuke.

Amakipe 6 ari mu myanya 6 ya mbere yo ari mu byishimo ndetse arifuza ko shampiyona isubukurwa bagakina imikino 92 isigaye ikarangira.

Amakipe akomeye aherutse kwegera atatu ya nyuma muri Premier League ayasaba kwemera ko shampiyona ikomeza kuko ngo bashobora kwitwara neza ntibamanuke.

Umwuka mubi wo kwanga ko shampiyona isubukurwa uri guterwa na bamwe mu bayobozi b’amakipe bari mu myanya mibi bafite ubwoba ko nibemera gukina bazatsindwa umusubirizo bigatuma bamanuka mu kiciro cya kabiri bakagwa mu gihombo gikabije.

Abategura Premier League ngo bamaze iminsi mu mpaka z’urudaca baganira ku gusubukura shampiyona yasubitswe kuwa 13 Werurwe 2020 kubera Coronavirus.

Umuyobozi wa Brighton witwa Paul Barber yamaganye bikomeye umwanzuro wa Premier League wo gutegeka amakipe kurangiza shampiyona akinira ku bibuga 10 byatoranyijwe aho yemeje ko bizica umwimerere wa Premier League.

Amakuru avuga ko amakipe 13 yose yemeye ko iyi shampiyona ya Premier League isubukurwa mu gihe gihe andi 6 akinangiye umutima ashaka inyungu zayo,imwe yarifashe.

Amakuru avuga ko amwe mu makipe akoresha abaganga bayo ngo atere ubwoba abakinnyi bayo ntibazemere gukina.

Premier League ikeneye amajwi 14 kugira ngo yemera gusubukurwa kuwa 12 Kamena uyu mwaka ariko igiye yabura byaba ngombwa ko Premier League igirwa imfabusa.Inama yo gufata umwanzuro wa nyuma izaba kuwa Gatanu w’iki cyumweru.

Muri iyi nama hazarebwa uko imikino yasubukurwa,ibibuga yaberaho,uburyo bwo gufasha amateleviziyo kwerekana imipira n’ibindi.

Amakipe yose yasabwe gutahiriza umugozi umwe ,ntarebe cyane ku nyungu azakura mu mikino ahubwo akareba agaciro kayo n’umumaro umupira w’amaguru ufite Ubwongereza.

Mu minsi ishize nibwo shampiyona y’Ububiligi,iy’Ubuholandi n’Ubufaransa zahagaritswe burundu kubera icyorezo cya COVID-19 cyanze gutanga agahenge.

Amakipe 6 ya nyuma ku rutonde rwa Premier League:Brighton & Hove Albion n’amanota 29,West Ham United na 27,Watford na 27,AFC Bournemouth na 27,Aston Villa na 25 mu gihe iya nyuma ari Norwich ifite 21.

Liverpool ni iya mbere n’amanota 82,ikurikiwe na Manchester City ifite 57,Leicester City n’iya 3 na 53 mu gihe Chelsea ari iya 4 na 48.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 5673 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3763 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2116 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1887 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3348 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2477 1