skol
fortebet

Amakipe yo mu Bwongereza ntiyahiriwe na Tombola ya 1/16 cya UEFA Champions League

Yanditswe: Monday 16, Dec 2019

Sponsored Ad

Kuri uyu wa mbere taliki ya 16 Ukuboza 2019 nibwo hamenyekanye gahunda y’uko amakipe azahura muri 1/16 cya UEFA Champions League 2019/2020 aho amakipe yo mu Bwongereza azahura n’ibigugu uretse Tottenham ya Jose Mourinho.

Sponsored Ad

Muri iyi tombola yari yitezweho ko bimwe mu bigugu bishobora kwesurana rugikubita,yatangiye amakipe yo mu Bwongereza akubitanye n’ibigugu aho ku ikubitiro Manchester City yatomboye Real Madrid,Liverpool itombora Atletico Madrid mu gihe Chelsea FC izahura n’ikipe ihagaze neza kurusha ayandi muri Champions League y’uyu mwaka ariyo Bayern Munich.

Rutahizamu Cristiano Ronaldo afite amahirwe menshi yo kuba yageza muri ¼ Juventus kuko yatomboye ikipe ya Lyon mu gihe Lionel Messi we azerekeza mu Butaliyani guhangana na Napoli.

Imikino ya mbere ya 1/16 izakinwa hagati ya taliki ya 18 na 19 Gashyantare 2020.Indi izaba taliki ya 25 na 26 Gashyantare.Imikino yo kwishyura ya 1/16 izaba taliki ya 10 na11 Werurwe na 17 na 18 Werurwe 2020.Amakipe yabaye aya kabiri mu matsinda niyo azabanza kwakira nk’ibisanzwe.

Umugore witwa Kelly Smith wahoze akinira Arsenal na Ambasaderi wa UCL y’uyu mwaka, Hamit Altıntop wakiniye amakipe arimo Real Madrid,Schalke,Bayern nibo bakoresheje Tombola.

Uko Tombola yagenze muri rusange:

Borussia Dortmund vs PSG
Real Madrid vs Man City
Atalanta vs Valencia
Atlético Madrid vs Liverpool
Chelsea vs Bayern Munich
Lyon vs Juventus
Tottenham vs Leipzig
Napoli vs Barcelona



Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa