skol
Kigali
startimes

Amategeko ya Covid-19 yatumye CECAFA U-17 yimurirwa kuri iki cyumweru

Imyidagaduro   Yanditswe na: Dusingizimana Remy 12 December 2020 Yasuwe: 3265

Imikino ya CECAFA y’abatarengeje imyaka 17 igomba kubera mu Rwanda guhera kuri uyu wa gatandatu, yimuriwe kuri iki cyumweru tariki ya 13 Ukuboza 2020 kubera amategeko yo kwirinda icyorezo cya Covid-19.


Nyuma y’aho Sudani y’Epfo isezerewe muri iyi CECAFA U-17 kubera gushaka gukoreshya abakinnyi barengeje iyi myaka 17,ingengabihe y’irushanwa yari yahindutse ariko abategura iri rushanwa bavuze ko baryimuriye ku munsi w’ejo mu rwego rwo gufasha abasifuzi kubahiriza amasaha 48 yo gupimwa.

Amakuru avuga ko abakinnyi,abatoza n’abasifuzi b’amakipe atandukanye bapimwe Covid-19 ndetse hasabwa ko hashira amasaha 48 kugira ngo ibipimo bibe byabonetse.

Iri rushanwa rigomba gutangira kuri iki Cyumweru aho saa 15:30 Ethiopia U-17 izahangana na Kenya U-17 mu gihe Kuwa Mbere saa 15:30 U Rwanda ruzakina na Tanzania.

Iri rushanwa rigamije gushaka itike yo gukina igikombe cya Afurika cy’Abatarengeje imyaka 17 kizabera muri Maroc mu 2021, riratangira kuri uyu wa Gatandatu kuri Stade Umuganda i Rubavu, aho Sudani y’Epfo yagombaga guhura na Uganda ku mukino wa mbere saa sita (12:00).

Ubuyobozi bw’Impuzamashyirahamwe y’Umupira w’Amaguru mu Karere ka Afurika y’Iburasirazuba no Hagati (CECAFA) bwatangaje ko “Sudani y’Epfo yasezerewe nyuma y’uko abakinnyi bayo bane isuzuma rya MRI rigaragaje ko barengeje imyaka.”

CECAFA U-17 izaba hagati ya tariki ya 13 n’iya 22 Ukuboza 2020, izakinwa n’ibihugu bitandatu gusa.

Itsinda A ririmo Uganda, Ethiopia na Kenya mu gihe itsinda B rigizwe n’u Rwanda, Tanzania na Djibouti.

Amakipe abiri azakina umukino wa nyuma ni yo azahagararira agace ka CECAFA mu gikombe cya Afurika kizabera muri Maroc hagati ya tariki ya 12 n’iya 31 Werurwe 2021.

Abakinnyi 26 u Rwanda ruzakoresha muri CECAFA U-17

Abanyezamu: Ruhamyankiko Yvan, Niyonsaba Ange Elie na Akimana Shalom.

Ba myugariro: Ishimwe Veryzion, Mbonyamahoro Sérieux, Rugambwa Fred, Tabaro Rahim, Ishimwe Rushami Alvin na Rwatangabo Kamoso Steven.

Abakina hagati: Iradukunda Siradji, Hoziyana Kennedy, Iradukunda Pacifique, Irakoze Jean Paul, Niyo David, Muvunyi Danny, Shami Chris, Gatete Jimmy na Cyusa Moubarak Akrab.

Ba rutahizamu: Mwizerwa Eric, Irihamye Eric, Uwizeyimana Célestin, Sibomana Sultan Bobo, Mugisha Edrick Kenny, Shingiro Honoré, Niyokwizerwa Benjamin na Salim Saleh.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibyishimo Sugira Ernest yahaye Abanyarwanda byatumye umuhanzikazi amusaba...

Rutahizamu Sugira Ernest usanzwe azwiho gukora ibitangaza mu ikipe y’igihugu...
27 January 2021 Yasuwe: 3487 0

Intsinzi y’Amavubi yatumye AbanyaKigali bava muri Guma mu rugo birara mu...

Abanyarwanda batuye mu mujyi wa Kigali bataherukaga gushimishwa...
27 January 2021 Yasuwe: 6864 0

Amavubi yongeye gusubiza abanyarwanda mu bicu nyuma y’igihe kinini

Ikipe y’igihugu “Amavubi”yongeye gushimisha Abanyarwanda nyuma yo gukatisha...
26 January 2021 Yasuwe: 4574 0

Thomas Tuchel yagizwe umutoza mushya wa Chelsea FC

Ikipe ya Chelsea yamaze gutangaza ko Umudage Thomas Tuchel waherukaga...
26 January 2021 Yasuwe: 3249 0

Floyd Mayweather agiye gusura ababyeyi b’umukobwa Bakundana [AMAFOTO]

Uwahoze ari kizigenza mu mukino wo gutera amakofe, Floyd Mayweather,aritegura
26 January 2021 Yasuwe: 4834 0

Minisitiri Munyangaju yaganiriye n’abakinnyi b’Amavubi abagezaho ubutumwa bwa...

Uyu munsi Minisitiri wa Siporo Munyangaju Aurore Mimosa yaganiriye...
26 January 2021 Yasuwe: 3797 0