skol
Kigali
startimes

Amavubi yakuye inota rya mbere kuri Cape Varde ibitego bikomeza kuba ingorabahizi

Imyidagaduro   Yanditswe na: Dusingizimana Remy 12 November 2020 Yasuwe: 1980

Ikipe y’igihugu Amavubi yihagazeho mu mukino w’umunsi wa 03 wo mu itsinda F mu gushaka itike yo kwerekeza mu gikombe cy’Afurika cya 2022 kizabera muri Cameroon aho yanganyije na Cape Verde 0-0 mu mukino wabereye muri iki kirwa.


Muri uyu mukino,Amavubi yagerageje kwihagararaho nubwo yasatirwaga cyane gusa ba rutahizamu bayo Kagere Meddie na Jacques Tuyisenge ntibigaragaje.

Mbere y’uyu mukino, U Rwanda rwari rufite amanota 0, ni nyuma y’uko rwatsinzwe na Mozambique ibitego 2-0 ndetse na Cameroun igitego 1-0, mu mikino ibiri ibanza yabaye mu Ugushyingo 2019.

Cap Verde yanganyije n’u Rwanda, iri ku mwanya wa gatatu mu itsinda F n’amanota 3. Yanganyije na Cameroun ubusa ku busa i Yaoundé mbere yo kwakira Mozambique bikanganya ibitego 2-2.Yanganyije n’u Rwanda 0-0.

Umutoza Mashami kuri uyu mukino yari yahisemo gukoresha abakinnyi biganjemo abakina hanze y’u Rwanda aho mu izamu yabanjemo Kwizera Olivier, mu gihe mu bwugarizi yakoresheje ba myugariro bane aribo Rwatubyaye Abdul, Manzi Thierry, Omborenga Fitina na Imanishimwe Emmanuel.

Hagati mu kibuga yahisemo kubanzamo Mukunzi Yannick, Niyonzima Ally na Bizimana Djihad mu gihe abasatira ari Niyonzima Haruna, Tuyisenge Jacques na Kagere Meddie.

Umusifuzi w’uyu mukino yari Umunya-Ghana, Daniel Nii Ayi Laryea, wari wungirijwe Kwasi Acheampong Brobbey hamwe na Paul Kodzo Atimaka. Adaari Abdul Latif yari umusifuzi wa kane mu gihe Komiseri w’umukino ari Umunya-Mauritanie, Mohamed Abdatt Bilal.

Uyu munsi Cameron iri kumwe n’u Rwanda mu itsinda yanyagiye ibitego 4-1 Mozambique biyifasha kugira amanota arindwi (7) mu mikino itatu bamaze gukina mu gihe igihugu cya Mozambique kiri ku mwanya wa kabiri n’amanota ane.

Uko urutonde ruhagaze:

1.Cameron 7pts
2.Mozambique 4pts
3.Cape Verde 3pts
4.Rwanda 1pt

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jose Mourinho yapfobeje abakinnyi be mu rugamba rwo gushaka igikombe cya...

Umutoza wa Tottenham,Jose Mourinho yatangiye gukina imikino ye isekeje mu...
30 November 2020 Yasuwe: 861 0

AS Kigali yatsinzwe umukino ubanza wa CAF Confederations Cup

Ikipe ya AS Kigali ihagarariye u Rwanda mu mikino ya CAF Confederations Cup...
29 November 2020 Yasuwe: 2998 0

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 2425 1

Diamond Platnumz yakoze benshi ku mutima kubera ibyo yakoreye...

Umuhanzi ukomeye muri Afurika Nasibu Abdoul Juma benshi uzwi nka Diamond...
29 November 2020 Yasuwe: 3919 1

Umukunzi wa Cristiano Ronaldo yasajije abakunzi be kubera ibyo yakoreye...

Umukunzi wa Cristiano Ronaldo,Georgina Rodriguez,yongeye gusaza abakunzi be...
29 November 2020 Yasuwe: 6492 0

Abakinnyi ba Bournemouth barakariye shebuja kubera ibyo yakoreye umugore...

Abakinnyi b’ikipe ya Bournemouth yo mu cyiciro cya kabiri mu Bwongereza...
29 November 2020 Yasuwe: 3951 0