Kigali
startimes

Amikoro make yatumye FERWAFA yirukana abakozi bayo 11 barimo n’inararibonye Mabombe

Imyidagaduro   Yanditswe na: Dusingizimana Remy 27 November 2019 Yasuwe: 3706

Ishyirahamwe ry’umupira w’amaguru mu Rwanda ryafashe icyemezo cyo gutandukana n’abakozi baryo bagera 11 bakoraga mu mashami atandukanye, kubera ikibazo cy’ubukene rifite ryatewe no kugenda kwa AZAM TV wari umuterankunga wa shampiyona.



Nkuko amakuru dukesha ikinyamakuru Funclub abitangaza,FERWAFA yafashe iki cyemezo nyuma y’uko guhemba bamwe muri aba bakozi ngo byari bisigaye biyibera umutwaro, ahanini bitewe n’uko batagifite hafi miliyoni 230 z’amafaranga y’u Rwanda yavaga ku mufatanyabikorwa w’iri shyirahamwe AZAM TV uherutse gusesa amasezerano.

Iki kinyamkuru cyavuze ko hafi muri buri gice (Department) cya FERWAFA haraza kuvamo abakozi basezererwa mu rwego rwo kureba uko iri shyirahamwe ryakomeza gukora ntirigwe mu bibazo byo guhemba abakozi.

Mu basezererwa na FERWAFA harimo Rutsindura Antoine bakunda kwita Mabombe wanabayeho umuyobozi wungirije wa tekinike muri iri Shyirahamwe, abakozi bo mu ishami ry’amarushanwa, abakora mu gice cyo kumenyekanisha ibikorwa bya FERWAFA bivugwa ko nta musaruro batanze mu gihe bamaze muri iyi myanya, na bamwe mu bakozi bakira abagana Ishyirahamwe ry’umupira w’amaguru mu Rwanda.

FERWAFA ikomeje kuganira n’abafatanyabikorwa batandukanye bashobora gusinyana amasezerano mu gihe cya vuba nta gihindutse, ikaba yarashegeshwe muri iyi minsi n’aya mafaranga yakuraga muri AZAM TV.

Ishyirahamwe ry’umupira w’amaguru mu Rwanda rifite abakozi 32 bahoraho, rikaba riherutse gushyira ku isoko umwanya w’umukozi ushinzwe ubucuruzi n’uwayifasha mu birebana no kumenyekanisha ibyo bakora ndetse no kuyihuza n’abayigana, akazaba ashinzwe n’itangazamakuru.

Buri mwaka,FERWAFA ihabwa miliyoni y’amadorali na FIFA, kimwe cya kabiri cy’aya mafaranga akaba ajya mu mirimo ya buri munsi no guhemba abakozi b’iri shyirahamwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Abraham

    guterura inkuru yose uko yakabaye ukayitereka kuri siteuyikuye ku kindi gutangazamakuru nta n’akantu uhinduyemo nawe nk’umuntu utekereza kweli??

    November 2019

Inzindi nkuru

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 1753 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 2377 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 1319 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 2113 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4403 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1703 0