Kigali

Andre Gomes yaraye agize imvune yateye isi yose ubwoba-IFOTO

Imyidagaduro   Yanditswe na: Martin Munezero 4 November 2019 Yasuwe: 3649

Umunya-Portugal Andre Gomes ukinira Everton yo mu gihugu cy’Ubwongereza, yagize imvune yateye isi yose ubwoba ubwo ikipe ye yakinaga na Tottenham Hot Spur, mu mukino w’umunsi wa 11 wa shampiyona y’Abongereza.



Ni umukino warangiye amakipe yombi aguye miswi igitego 1-1.

Tottenham ni yo yabanje gufungura amazamu ibifashijwemo na Dele Ali, mbere y’uko Cenk Tosun yishyurira Everton ku munota wa 90 w’umukino.

Andre Gomes yavunitse ku munota wa 79 w’umukino, ubwo yakorerwagaho ikosa rikomeye n’Umunya-Koreya y’Epfo Son Heung-min waje kwerekwa ikarita itukura n’umusifuzi Martin Atiknson, agasohoka mu kibuga arira.

Gomes yaviriweho inda imwe na Son cyo kimwe n’Umunya-Cote d’Ivoire Serge Aurier wagaragaye ashima Imana mbere yo gusohoka mu kibuga asimbuye.

Abakinnyi ba Everton na Tottenham bagize ubwoba bukomeye ubwo Gomes yaborogaga akimara kuvunika.

Birakekwa ko uyu musore wahoze akinira FC Barcelona ashobora kuba yacitse akaguru.

Kuba Heung Son-Min yari yabanje kwerekwa ikarita y’umuhondo nyuma ikaguranwa itukura, ubuyobozi bwa Premier league bwasobanuye ko byari ukurengera Gomes wavunitse bikomeye bigizwemo uruhare n’uyu munya Koreya wabanje kumukorera ikosa.

Abakunzi ba ruhago mu mpande zose z’isi batewe ubwoba n’imvune y’uriya munya-Portugal, bityo bakaba bari gutambutsa ubutumwa butandukanye bamwifuriza gukira vuba.

Mauricio Pochettino utoza Tottenham na we yihanganishije uyu musore nyuma y’umukino, avuga ko ibyamubayeho byari bibi cyane ariko akaba amwifuriza kumererwa neza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

“Aba basifuzi nibadahanwa nzumirwa”-Guy Bukasa wa Gasogi United

Umutoza wa Gasogi United,Guy Bukasa yatangaje ko abasifuzi bamusifuriye...
8 December 2019 Yasuwe: 1563 0

Abafana bahagaritse umukino mu Bwongereza nyuma yo kuva muri stade bajya...

Imirwano ikomeye yabereye ku kibuga cya Bloomfield Road mu mukino wahuzaga...
8 December 2019 Yasuwe: 1809 0

KNC yahaye ubutumwa bukomeye abafana ba APR FC yamutsinze yiyushye...

Umunyemari Kakooza Nkuriza Charles washinze ikipe ya Gasogi United,yabwiye...
8 December 2019 Yasuwe: 3430 0

APR FC yiyushye akuya kugira ngo yigaranzure Gasogi United yari...

Mu mukino w’umunsi wa 13 wa shampiyona y’u Rwanda “AZAM Rwanda Premier...
7 December 2019 Yasuwe: 3923 0

Aubameyang yahungabanyije ubuyobozi bw’ikipe ya Arsenal

Ibibazo bya Arsenal bikomeje kwiyongera kuko kapiteni wayo Pierre-Emerick...
7 December 2019 Yasuwe: 4981 0

Umutoza FC Barcelona yateje urujijo kubera ibyo yavuze ku gusezera umupira...

Umutoza wa FC Barcelona, Ernesto Valverde yabwiye abanyamakuru ko abakunzi...
7 December 2019 Yasuwe: 3600 0