skol
Kigali
startimes

Andrea Pirlo yagizwe umutoza mushya wa Juventus asimbuye Sarri

Imyidagaduro   Yanditswe na: Dusingizimana Remy 9 August 2020 Yasuwe: 1332

Kizigenza mu mupira w’amaguru mu Butaliyani by’umwihariko muri Juventus na AC Milan,Andrea Pirlo,niwe wagiriwe icyizere cyo gusimbura Maurizio Sarri mu ikipe ya Juventus mu ijoro ryo kuri uyu wa Gatandatu.


Andrea Pirlo wari umaze iminsi 9 gusa agizwe umutoza w’abatarengeje imyaka 23 yatunguwe na telefoni ya Perezida wa Juventus,Andrea Agnelli,imubwira ko yagizwe umutoza w’ikipe nkuru.

Pirlo yahawe akazi ko kuba umutoza mukuru w’ikipe ya Juventus mu gihe kingana n’imyaka ibiri izamugeza tariki 30 Kamena 2022.

Juventus yafashe icyemezo cyo kwirukana Maurizio Sarri, wari umutoza wayo, ni nyuma y’uko isezerewe na Lyon muri 1/8 cy’amarushanwa ya UEFA Champions League.

Mu itangazo Juventus yashyize ahagaragara yagize iti “Andrea Pirlo ni umutoza mushya wa Juventus. Uyu mugabo w’imyaka 41 wavukiye i Flero mu Ntara ya Brescia, Pirlo yagize kariyeri y’umunyabigwi nk’umukinnyi, kuko byamufashije gutwara buri kimwe guhera kuri Champions League kugeza ku gikombe cy’Isi mu 2006. Mu gihe cy’imyaka 4 akina hagati muri Juventus, Pirlo yegukanye ibikombe byinshi bya shampiyona, igikombe cy’igihugu ndegse n’ibikombe bibiri biruta ibindi mu Butaliyani.”Amahitamo y’uyu munsi yagendeye ku kuba twizeye ko Pirlo afite icyo bisaba ngo ayobore ahereye ku ntangiriro ye ku ntebe y’abasimbura, inararibonye ndetse n’abakinnyi bafite impano hagamijwe kugera ku ntsinzi nshya.”

Pirlo yahawe aka kazi byavugwaga ko gashobora guhabwa uwahoze atozaTottenham,Mauricio Pochettino cyangwa Pep Guardiola utoza Manchester City.

Pirlo yakiniye imyaka 4 Juventus nyuma yo kuyigeramo avuye muri AC Milan mu mwaka wa 2011.

Uyu mugabo w’imyaka 41 amaze gufasha Juventus gutwara Serie A enye,yahisemo kujya gusoreza umupira mu ikipe ya New York City yakiniye imyaka 2 ahita amanika inkweto.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 608 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3130 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 535 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1600 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1146 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3427 0