Kigali
startimes

Antoine Griezmann wari wasinyiye FC Barcelona ndetse bikanatangazwa ko yabaye umukinnyi wayo,ikipe ya Atletico Madrid yazanye amananiza

Imyidagaduro   Yanditswe na: Martin Munezero 13 July 2019 Yasuwe: 3871

Ikipe ya Atletico Madrid yazanye amananiza muri deal ya Antoine Griezmann wamaze gusinyishwa na FC Barcelona, ivuga ko miliyoni 120 z’ama-Euro iyi kipe y’i Catalunya yatanze kuri uyu rutahizamu w’Umufaransa zikiri nke.



Ejo ku wa gatanu ni bwo FC Barcelona yemeje Antoine Griezmann nk’umukinnyi mushya wayo, nyuma yo kumusinyisha amasezerano y’imyaka itanu.

Mu gihe abenshi bumvaga ko urugamba rwo gusinyisha uyu mukinnyi Barcelona yari imaze igihe irwana rwarangiye, Atletico Madrid yazanye amananiza ivuga ko miliyoni 120 z’ama-Euro Barcelona yatanze akiri make kugira ngo Griezmann abe umukinnyi wayo.

Ivuga ko hagikenewe izindi miliyoni 80, ngo kuko Barcelona yumvikanye na Griezmann mbere y’itariki ya 01 Nyakanga, itariki amafaranga akubiye muri clause ya Griezmann yagombaga kuba miliyoni 120 avuye kuri miliyoni 200.

Mu itangazo Atletico Madrid yasohoye kuri uyu wa gatandatu, yavuze ko ifite gihamya cy’uko Barcelona na Griezmann bumvikanye mbere y’itariki ya 01 Nyakanga 2019.

Perezida wa Atletico, Enrique Cerezo aganira n’igitangazamakuru cyitwa Tu Diga, yavuze ko kuba basohoye ririya tangazo ari uko ibyo bavuga bifite ishingiro, bityo bakaba biteguye kwaka Barcelona andi mafaranga mu gihe bazaba bamaze gukora inyigo neza bagasanga ibyo barwanira bikwiye.

Perezida wa Atletico yanavuze ko yarakajwe cyane n’imyitwarire ya Griezmann, gusa akaba ashimangira ko ari umukinnyi mwiza cyane.

Ati” Narakajwe n’imyitwarire ye [Griezmann] kuko yashakaga kugenda ariko ntiyigere abitubwira kugeza ku munota wa nyuma. Gusa ni umukinnyi w’igitangaza.”

Enrique Cerezo yanavuze kandi ko n’ubwo ikipe ayobora na Barcelona batari guhuza muri iyi minsi kubera ikibazo cya Griezmann, bitazigera bihungabanya umubano w’amakipe yombi.

Kugurwa miliyoni 120 z’ama-Euro byagize Griezmann umukinnyi wa gatatu uhenze mu mateka y’isi, nyuma ya Neymar na Kylian Mbappe ba PSG.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1069 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 1976 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 1999 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2294 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3816 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3584 0