skol
Kigali
startimes

APR FC na AS Kigali zamenyeshejwe igihe zizatangirira gukina imikino ya CAF

Imyidagaduro   Yanditswe na: Dusingizimana Remy 1 September 2020 Yasuwe: 4663

Impuzamashyirahamwe y’umupira w’amaguru muri Afurika [CAF],yamaze gushyira hanze igihe amakipe azahagararira ibihugu mu mikino nyafurika azatangira gukinira.


CAF yavuze ko amakipe yatsindiye gukina aya marushanwa afite kugeza tariki ya 20 Ukwakira, kuba yatangaje ko azitabira iyi mikino, akanuzuza ibirebana n’ibyangombwa [CAF Licencing].

Kuva Tariki ya 21 Ukwakira kugeza Tariki ya 05 Ugushyingo uyu mwaka, amakipe nicyo gihe azandikisha abakinnyi azakoresha. Hakozongerwaho ibyumweru 2 nyuma byo kwandikisha abakinnyi ku makipe akiri mu marushanwa.

Imikino y’amajonjora ya mbere izakinwa Tariki ya 20-22 Ugushyingo 2020, Imikino yo kwishyura ni 27-29 Ugushyingo 2020.

U Rwanda uyu mwaka ruzahagararirwa na APR FC muri CAF Champions League ndetse na AS KIGALI muri CAF Confederation Cup.

Umwaka ushize w’imikino, amakipe yatanze abakinnyi azakoresha muri Nyakanga mu gihe amarushanwa Nyafurika yatangiye muri Kanama 2019, ariko ubu itangira ryayo ryigijwe inyuma kubera icyorezo cya Coronavirus (COVID19) cyibasiye Isi.

Kubera iyo mpamvu, imikino y’ijonjora ry’ibanze (1/32) n’iya 1/16 izaba mu Ugushyingo uyu mwaka.

Tariki ya 22 Gicurasi 2020,nibwo byemejwe ko APR FC ihawe ìgikombe cya Shampiyona nyuma y’aho FERWAFA ifashe umwanzuro wo guhagarika burundu shampiyona.

Ishingiye ku itegeko nomero 33 rigenga sitati ya FERWAFA n’itegeko 28 rigenga amategeko shingiro yayo, Komite Nyobozi ya FERWAFA yafashe icyemezo cyo guha APR FC igikombe cy’uyu mwaka w’imikino wa 2019/20 nyuma yo kwemeza ko isorejwe aho yari igeze kubera COVID-19.

APR FC yarushaga izindi amanota kugeza ubu, niyo yahawe igikombe hanyuma Gicumbi na Heroes ziramanuka. Izizamuka zizamenyekana hakinwe play-offs mu cyiciro cya kabiri.

APR FC yari itaratsindwa mu mikino 23 yakinnye muri shampiyona y’uyu mwaka w’imikino 2019-2020,yatwaye igikombe ndetse ikatisha itike yo kuzahagararira u Rwanda muri CAF Champions League.

APR FC yatwaye igikombe cya shampiyona cyabaye icya 18 yegukanye, ikaba ari nayo ifite ibikombe byinshi mu Rwanda, ikurikiwe na Rayon Spots ifite 9 naho Kiyovu Sports ikagira bitatu.

Ibikombe bya Shampiyona APR FC yegukanye ni : 1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015, 2016,2018 na 2020.

Ku rundi ruhande,Kuwa 31 Nyakanga uyu mwaka,Ishyirahamwe ry’umupira w’amaguru mu Rwanda ryemeje ko AS Kigali ari yo izasohokana na APR FC mu marushanwa nyafurika.

Ni nyuma y’impaka zari zimaze iminsi hibazwa ikipe izahagararira u Rwanda mu irushanwa rya CAF Confederation Cup hagati ya Rayon Sports na AS Kigali cyane ko nta gikombe cy’Amahoro cyabayeho uyu mwaka.

FERWAFA yemeje ko AS Kigali ari yo izaserukira u Rwanda igendeye ku ngingo ya kabiri y’amategeko y’Igikombe cy’Amahoro cya 2020, agace ka gatatu, havuga ko ‘ikipe yegukanye iri rushanwa ariyo ikina CAF Confederation Cup y’umwaka utaha.’

Icya kabiri cyashingiweho ni ukuba amabwiriza ya CAF Confederation Cup yemejwe na Komite Nyobozi ya CAF ku wa 19 Nyakanga 2019, agomba gukurikizwa, akaba yemeza ko ikipe yegukanye igikombe cy’Igihugu ariyo yitabira iri rushanwa.

Ingingo ya kane y’ayo mabwiriza, mu gace ka gatandatu, ivuga ko ‘mu gihe habaye impamvu ituma irushanwa ry’igihugu ridakinwa, federasiyo y’icyo gihugu ifite uburenganzira bwo kohereza ikipe yatwaye irushanwa riheruka.

Hagendewe kuri izo ngingo, Komite Nyobozi ya FERWAFA yemeje ko AS Kigali yatwaye Igikombe cy’Amahoro cya 2019 ariyo izakina CAF Confederation Cup ya 2020/21 kuko irushanwa rya 2020 ritigeze riba.

Ububasha bwo gufata iki cyemezo, Komite Nyobozi ya FERWAFA ibuhabwa n’ingingo ya 33 y’amategeko shingiro yayo yo ku wa 8 Nzeri 2018.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 3320 0

Didier Gomes Da Rosa watoje Rayon Sports yerekeje muri Simba...

Umutoza Didier Gomes Da Rosa, ufite ubwenegihugu bw’Ubufaransa na Portugali,...
24 January 2021 Yasuwe: 3436 0

Irambona Eric wagize imvune yabazwe

Myugariro wa Kiyovu Sports,Irambona Eric yabazwe imvune yari afite, Kuwa...
24 January 2021 Yasuwe: 3720 0

“Ronaldo ntabwo ari umukinnyi mwiza ku isi”-George Weah

Nk’uko byatangajwe na George Weah wigeze gutsindira Ballon d’or ndetse kuri...
24 January 2021 Yasuwe: 5149 0

Inshoreke za Diego Maradona zashwaniye ku karubanda zipfa umutungo wa...

Nyakwigendera Diego Maradona watabarutse mu mpera z’umwaka ushize yasize...
23 January 2021 Yasuwe: 5214 0

Cristiano Ronaldo na Lionel Messi batunguye isi yose kubera akayabo banze...

Abakinnyi ba mbere ku isi mu myaka irenga 10 ishize aribo Cristiano Ronaldo...
23 January 2021 Yasuwe: 7944 0