skol
Kigali
startimes

APR FC yahishuye ahazaza h’umutoza Adil Mohamed wasezerewe na Gor Mahia

Imyidagaduro   Yanditswe na: Dusingizimana Remy 7 December 2020 Yasuwe: 5261

Ubuyobozi bw’ikipe ya APR FC bwanyomoje amakuru yavugaga ko bwatakarije icyizere umutoza w’umunya Maroc Adil Mohamed Erradi,nyuma yo kunanirwa kugera mu matsinda ya CAF Champions League akuwemo na Gor Mahia ku bitego 4-3 mu mikino yombi.


Ku munsi w’ejo mu gitondo,haramutse ibihuha byavugaga ko umutoza Adil atakiri kumwe na APR FC kubera kunanirwa kugera ku ntego yari yahawe gusa ubuyobozi bwa APR FC bwavuze ko uyu mutoza afitiwe icyizere.

Mu butumwa bwanyujije ku rukuta rwabwo rwa Twitter,APR FC yavuze ko n’ubwo iyi kipe yasezerewe, ariko barakomezanya n’uyu mutoza wabo.

Yagize iti" Ubuyobozi bwa APR FC buremeza ko buzakomeza gukorana n’umutoza wacu Mohamed Adil Erradi, turacyamufitiye icyizere kandi tuzi ko afite ubushobozi mubyo akora n’ubwo twasezerewe mu mikino ya Caf Champions League".

Kuri iki Cyumweru saa tanu n’iminota 20, nibwo iyi kipe y’ingabo z’igihugu yasesekaye ku kibuga cy’indege mpuzamahanga cya Kigali i Kanombe ivuye i Nairobi muri Kenya aho yasezerewe na Gor Mahia ku giteranyo cy’ibitego 4-3 mu ijonjora rya mbere rya CAF Champions league.

Ikipe yahagurutse i Nairobi na Rwandair ya saa yine zuzuye ikora urugendo rw’isaha n’iminota 20. Umukino ubanza APR FC yatsinze Gor Mahia ibitego 2-1 mu gihe uwo kwishyura Gor Mahia yatsinze APR FC ibitego 3-1.

Ikipe yahise ikomereza mu mwiherero i Shyorongi aho abakozi biose bagiye gupimwa COVID-19 ndetse no kwitegura shampiyona aho izahita icakirana na Kiyovu Sports tariki 11 Ukuboza kuri Stade ya Kigali.

Imikino ibiri ya mbere ya shampiyona uwari kuyihuza na Musanze FC tariki ya 5 Ukuboza ndetse na Gorilla FC tariki ya 8 Ukuboza yombi yarasubitswe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 3986 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4211 0

KNC yategeye "Amavubi"akayabo kugira ngo azatsinde Maroc muri CHAN...

Umunyemari Kakoza Nkuriza Charles nyiri Radio na TV1 yatangaje ko yiteguye...
20 January 2021 Yasuwe: 4983 0

Neymar Jr aravugwa mu rukundo rw’ibanga n’umuhanzikazi ufite umwana...

Kizigenza wa PSG,Neymar Jr aravugwa mu rukundo n’umuhanzikazi wo muri...
20 January 2021 Yasuwe: 4233 0

Hahishuwe impamvu idasanzwe yatumye Pierre-Emerick Aubameyang asimbuzwa...

Kapiteni wa Arsenal, Pierre-Emerick Aubameyang,witwaye neza mu mukino iyi...
20 January 2021 Yasuwe: 4317 0

Reba ibyo Munyakazi Sadate yatangaje nyuma yuko Amadorali yari yategeye...

Mu minsi ishize nibwo Muyakazi Sadate yatangaje ko Amavubi naramuka atsinze...
19 January 2021 Yasuwe: 8783 0