skol
Kigali
startimes

APR FC yirukanye Ishimwe Kevin kubera gutuka umutoza we

Imyidagaduro   Yanditswe na: Dusingizimana Remy 29 October 2020 Yasuwe: 3341

Ubuyobozi bwa APR FC,bwatangaje ko bwirukanye Rutahizamu w’ikipe ya APR FC,Ishimwe Kevin mu mwiherero w’iyi kipe kubera imyitwarire mibi yamugaragayeho mu myitozo y’iyi kipe.


Ku mugoroba wo kuwa Gatatu Tariki 28 Ukwakira, umukinnyi wo hagati ufasha abataha izamu wa APR FC Ishimwe Kevin yahagaritswe by’agateganyo n’ubuyobozi bwa APR FC kubera imyitwarire mibi.

Kevin w’imyaka 25, akaba yahise asezererwa mu mwiherero w’ikipe i Shyorongi mu gihe ubuyobozi bw’ikipe bukiganira ku bihano bizamufatirwa.

Amakuru avuga ko Ishimwe Kevin yirukanywe mu mwiherero wa APR FC azira kutishimira ko umutoza we Adil yasifuye ko yaraririye mu myitozo bakoze kuwa gatatu tariki ya 28 Ukwakira 2020.

Nyuma yo kubwira umutoza we nabi, Kevin akaba yahise avanwa muri bagenzi be, ndetse akaba yaraye iwe mu rugo, mu gihe atahabwa imbabazi n’ubuyobozi bwa APR FC, akaba ashobora no guhita asezererwa muri iyi kipe amazemo umwaka umwe gusa.

Uyu mukinnyibiravugwa ko yanze gusaba imbabazi, bikaba bishobora kuza kumuviramo kwirukanwa burundu.

Abandi bakinnyi 2 barihanangirijwe bwa nyuma ko bongeye gukora amakosa bazahita birukanwa, bo bakaba barasabye imbabazi.

Ishimwe Kevin yaje muri APR FC avuye mu ikipe ya AS Kigali, asinya imyaka ibiri mu ikipe y’ingabo z’igihugu ndetse yerekanwa ku mugaragaro Tariki 05 Kanama 2019.

Yageze muri As Kigali FC yajemo avuye muri Pepiniere FC yari imanutse mu cyiciro cya kabiri, akaba yaranakiniye ikipe ya Rayon Sports FC.

Kugeza ubu ikipe y’ingabo z’igihugu irakomeza imyitozo aho uyu munsi iri bukore kabiri, mu gitondo saa tatu na nimugoroba saa cyenda. Abakinnyi bose bakaba bameze neza ndetse n’abari barwaye bose bakaba baragutse batagiye imyitozo, nta mvune n’imwe iri mu ikipe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 991 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 928 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1942 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4795 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1223 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2299 0