Amakuru aturuka mu Bwongereza aravuga ko Arsenal yamaze kumvikana n’umukinnyi wayo Mesut Ozil ko basesa amasezerano y’amezi 6 bari bafitanye nyuma y’aho uyu mukinnyi yari yarakuwe ku rutonde rw’abagomba kuyikinira.
Mesut Ozil uri mu biganiro bya nyuma n’ikipe ya Fenerbahce yamaze kwemera gusesa amasezerano ye n’ikipe ya Arsenal yari asigaje amezi 6 gusa.
Uyu mukinnyi utarahiwe n’umwaka wa 2020 kuko yakuwe ku rutonde rw’abakinnyi ba Arsenal kandi ayifitiye amasezerano,yamaze kwemera guhara (...)

Sponsored Ad

Amakuru aturuka mu Bwongereza aravuga ko Arsenal yamaze kumvikana n’umukinnyi wayo Mesut Ozil ko basesa amasezerano y’amezi 6 bari bafitanye nyuma y’aho uyu mukinnyi yari yarakuwe ku rutonde rw’abagomba kuyikinira.

Mesut Ozil uri mu biganiro bya nyuma n’ikipe ya Fenerbahce yamaze kwemera gusesa amasezerano ye n’ikipe ya Arsenal yari asigaje amezi 6 gusa.

Uyu mukinnyi utarahiwe n’umwaka wa 2020 kuko yakuwe ku rutonde rw’abakinnyi ba Arsenal kandi ayifitiye amasezerano,yamaze kwemera guhara ibihumbi 350 by’amapawundi yahabwaga ku cyumweru kugira ngo asinyire Fenerbahce.

Amakuru aravuga ko uyu mukinnyi ategerejwe muri Turkia mu minsi mike iri imbere kugira ngo asinyire Fenerbahce nk’umukinnyi wigenga.

Uyu mukinnyi w’imyaka 32 yari amaze iminsi aganira n’umutoza Mikel Arteta ku bijyanye no gusesa aya masezerano,bikaba byarangiye impande zombi zumvikanye.

Perezida wa Fenerbahce witwa Ali Koc yatangaje kuwa Kabiri ko ikipe ye na Ozil bari hafi kumvikana habura gusa ubwumvikane bwe n’ikipe.Ati “Mesut ari hafi kurusha ikindi gihe cyose.Mesut yahoranye inzozi zo gukinira Fenerbahce kandi nayo ifite inzozi zo kumugura.”

Mesut Ozil yagombaga kwinjiza miliyoni 7 z’amapawundi mu mezi 6 yari asigaranye muri Arsenal ariko yemeye kuzihara kugira ngo yerekeze muri iyi kipe yakuze afana.

Kuwa Mbere w’iki cyumweru,Mesut Ozil yabwiye umwe mu bafana be kuri Twitter ati “Nakuze mfana Fenerbahce nkiri umwana mu Budage.Buri Mudage ufite inkomoko muri Turkia aba afite ikipe afana muri Turkia.

Njyewe mfana Fenerbahce.Imeze nka Real Madrid yo muri Espagne.Ni ikipe ikomeye muri Turkia.

Mesut Ozil yemeye kuva muri Arsenal