skol
Kigali
startimes

Arsenal yahaye umukoro ukomeye Arteta ushobora gutuma yirukanwa vuba

Imyidagaduro   Yanditswe na: Dusingizimana Remy 23 December 2020 Yasuwe: 4789

Umutoza wa Arsenal,Mikel Arteta uri gutsindwa umusubirizo yamaze kubwirwa ko ibyo ari gukora bidashimishije na gato bityo agomba gutsinda imikino 3 iri imbere bitaba ibyo akirukanwa bidasubirwaho.


Uyu mutoza witwaye neza mu mezi 8 ye ya mbere akegukana FA Cup na Community Shield,muri iyi minsi ntabwo amerewe neza kuko amaze gutsindwa imikino 8 muri 14 imaze gukinwa muri Premier League ariyo mpamvu iyi kipe iri ku mwanya wa 15 ndetse irusha amanota 4 gusa iziri mu murongo utukuru.

Ikinyamakuru The Mirror kiratangaza ko ubuyobozi bwa Arsenal bwamaze kubona ko kugumana na Arteta bishobora kugeza iyi kipe mu rwobo ariyo mpamvu bwamuhaye imikino 3 yo kurokora akazi ke bitakunda akirukanwa.

Nubwo amaze umwaka muri Premier League,Arteta ntiyigeze agaragaza ko ari umutoza mwiza muri Premier League kuko no mu isozwa rya shampiyona ishize ikipe yari hasi cyane gusa iramirwa n’imikino ya FA Cup.

Arteta agiye gukina na Chelsea na Brighton mu mikino ikurikiraho muri Premier League akaba ngo yasabwe gushaka amanota bikomeye kugira ngo arengere akazi ke.

Umwe mu bafana ba Arsenal ukomeye witwa Perry Groves,yabwiye The Talksport ati “Uku gutsindwa gukomeje mu mikino 3 iri imbere,ese abafana ba Arsenal bakomeze kwizera Arteta.

Ndakeka ko yahawe imikino 3 irimo uwa Man City Kuwa Kabiri, Chelsea mu rugo n detse n’uwa Brighton hanze.

Nari nabivuze mbere ko umutoza akeneye kujya ku masoko 3 kugira ngo agire abakinnyi yinjiza nabo arekura,akanatoza nibura umwaka w’imikino wuzuye ari nabwo wamuvugaho.Ariko ibintu bikomeje kuba bibi gutya ntabwo umwaka w’imikino ukwiriye kurangira.”

Arsenal yaraye inyagiwe na Manchester City ibitego 4-1 isezererwa muri Carabao Cup aho byitezwe ko igomba gushaka amanota ahagije ku cyumweru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lionel Messi ari mu mazi abira kubera ukuboko yakubise umukinnyi wa...

Kapiteni wa FC Barcelona akaba n’umunyabigwi wayo Lionel Messi ari mu mazi...
19 January 2021 Yasuwe: 3256 0

Uburanga bw’ikizungerezi cyatumye rutahizamu wa Real Madrid yanga kuguma mu...

Rutahizamu wa Real Madrid,Luka Jovic,yakoze amahano mu mwaka ushize ubwo...
19 January 2021 Yasuwe: 3646 0

Real Madrid yasinyishije umukinnyi wa mbere uzayikinira mu mwaka w’imikino...

Ikipe ya Real Madrid yatangiye gutegura umwaka w’imikino utaha nyuma yo...
19 January 2021 Yasuwe: 3583 0

Amavubi yanganyije na Uganda mu mukino yigaragajemo cyane

Ikipe y’igihugu “Amavubi” yaruhije bigaragara ikipe ya Uganda ariko ntiyabasha...
18 January 2021 Yasuwe: 4076 1

Aubameyang yahaye impano Lacazette yakoze benshi ku mutima

Kapiteni wa Arsenal,Pierre-Emerick Aubameyang yakoze benshi ku mutima...
18 January 2021 Yasuwe: 5370 0

"Ikirego twaracyakiriye" RIB yavuze ku bujura bw’imyambaro y’Amavubi yibwe mu...

Benshi mu bakoresha imbuga nkoranyambaga by’umwihariko Twitter na...
18 January 2021 Yasuwe: 4792 0