Ikipe ya Arsenal yanze gushora amafaranga menshi ku isi ngo isinyishe abakinnyi bashya,yatunguye benshi kubera ko yinjiye mu rugamba rwo kugura myugariro umaze imyaka myinshi yitwara neza muri Real Madrid witwa Marcelo.

Sponsored Ad

Ibitangazamakuru byo muri Espagne byavuze ko iyi kipe yo mu Bwongereza yifuza iyi nararibonye ngo ize gukomeza mu bwugarizi bwayo bwitwaye nabi mu mwaka w’imikino ushize.

Uyu munya Brazil w’imyaka 31,arifuza gusohoka mu ikipe ya Real Madrid kubera ko umutoza Zinedine Zidane yamaze kugura mwene wabo w’Umufaransa Ferland Mendy wo kumusimbura.

Arsenal ihanganye muri uru rugamba rwo gushaka Marcelo na Juventus, Paris Saint-Germain na AC Milan.

Abahagarariye Marcelo bamaze iminsi baganira na perezida wa Real Madrid, Florentino Perez kugira ngo amurekure yigendere.

Arsenal ishobora kutagira amahirwe yo kubona uyu myugariro kubera amafaranga make yashoye ku isoko ndetse no kuba itari muri Champions League.

Arsenal yinjiye mu rugamba rwo gushaka myugariro Marcelo