skol
Kigali
startimes

Arsenal yatsinze Liverpool kuri penaliti yegukana Community Shield ya 16 mu mateka yayo

Imyidagaduro   Yanditswe na: Dusingizimana Remy 29 August 2020 Yasuwe: 1721

Ikipe ya Arsenal yatsinze Liverpool kuri penaliti 5-4 nyuma y’aho iminota 90 yarangiye ari igitego 1-1 yegukana igikombe cya 16 cya Community shield gihuza ikipe yatwaye shampiyona ya Premier League n’iyatwaye igikombe cya FA Cup.


Aya makipe yombi yari atandukanye mu kibuga kuko Liverpool yabanje mu kibuga abakinnyi bayo bakomeye ariko Arsenal ntiyari ifite abakinnyi bayo bose barimo nka Willian,Lacazette,Mustafi na Pepe.

Arsenal niyo yafunguye amazamu ku gitego cyatsinzwe na Pierre Emerick Aubameyang ku munota wa 12 ariko cyaje kwishyurwa na Takumi Minamino ku munota wa 73 w’umukino.

Pierre Emerick Aubameyang ukomeje kubera igisubizo umutoza Mikel Arteta,ntarongera amasezerano muri iyi kipe ya Arsenal bivugwa ko bamaze kumvikana.
Nubwo Liverpool yayoboye umukino igihe kinini mu gihe Arsenal yacunganaga no kugarira cyane,ntiyabashije gutsinda.

Rutahizamu Sadio Mane wari ku rwego rwo hasi muri uyu mukino,yabonye amahirwe 2 yo gusigarana wenyine n’umunyezamu Martinez ariko ntiyabasha kumutsinda.

Liverpool yari hasi mu gice cya mbere,yagarutse mu cya kabiri ishaka kwishyura ndetse ibigeraho hakiri kare ariko iminota iyishirana itarabona igitego cya kabiri.

Nyuma y’iminota 90 hakurikiyeho gutera penaliti,zahiriye Arsenal yazinjije zose ibifashijwemo na Reiss Nelson,Maitland-Niles,Cedric Soares,David Luiz na Pierre Emerick Aubameyang.

Igitego Aubameyang yatsinze uyu munsi ni icya 05 yatsindiye i Wembley aho yabaye umukinnyi wa Arsenal umaze gutsindira ibitego byinshi kuri iki kibuga.

Liverpool yinjije penaliti 4 ibifashijwemo na Mohamed Salah, Fabinho, Takumi Minamino na Curtison ariko yahemukiwe na Rhian Brewster wahushije penaliti ya 3.
Arsenal yatwaye igikombe cya 16 cya Community Shield aho irushwa gusa na Manchester United ifite ibi bikombe 21.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 1276 0

Diamond Platnumz yakoze benshi ku mutima kubera ibyo yakoreye...

Umuhanzi ukomeye muri Afurika Nasibu Abdoul Juma benshi uzwi nka Diamond...
29 November 2020 Yasuwe: 1941 0

Umukunzi wa Cristiano Ronaldo yasajije abakunzi be kubera ibyo yakoreye...

Umukunzi wa Cristiano Ronaldo,Georgina Rodriguez,yongeye gusaza abakunzi be...
29 November 2020 Yasuwe: 3182 0

Abakinnyi ba Bournemouth barakariye shebuja kubera ibyo yakoreye umugore...

Abakinnyi b’ikipe ya Bournemouth yo mu cyiciro cya kabiri mu Bwongereza...
29 November 2020 Yasuwe: 2278 0

Zinedine Zidane yahaye abanyamakuru igisubizo gitangaje nyuma yo gutsindwa...

Umutoza wa Real Madrid,Zinedine Zidane,utari kwitwara neza muri uyu mwaka...
29 November 2020 Yasuwe: 1870 0

APR FC yatanze icyizere cyo gusezerera Gor Mahia muri CAF Champions...

Ikipe ya APR FC yatsinze Gor Mahia mu mukino ubanza w’ijonjora rya mbere rya...
28 November 2020 Yasuwe: 1956 0