Kigali
startimes

Arsenal yerekanye ku mugaragaro rutahizamu Pepe yaguze miliyoni 72 z’amapawundi [AMAFOTO]

Imyidagaduro   Yanditswe na: Dusingizimana Remy 1 August 2019 Yasuwe: 2785

Rutahizamu w’umunya Cote d’Ivoire,Nicolas Pepe uherutse kugurwa n’ikipe ya Arsenal avuye muri Lille,yamaze gutangazwa ku mugaragaro ndetse ahabwa umwenda w’iyi kipe wanditseho nimero 19 azajya yambara mu mugongo.



Mu minsi ishize nibwo ikipe ya Arsenal yemeye gutanga miliyoni 72 z’amapawundi kuri uyu rutahizamu w’umunya Cote d’Ivoire,Nicolas Pepe wifuzwaga n’amakipe menshi akomeye ku isi.

Ubwo Pepe yari agiye kwerekeza muri Napoli yatangaga aka kayabo,Arsenal yayiciye mu rihumye ihita imutwara ndetse imwemerera umushahara uri hejuru cyane w’uwo aba bataliyani bamuhaga.

Nicolas Pepe abaye umukinnyi uhenze kurusha abandi bose mu mateka ya Arsenal nyuma yo kuyisinyira amasezerano y’imyaka 5 ah akuyeho agahigo ka Pierre-Emerick Aubameyang watanzweho miliyoni 56 z’amapawundi ubwo yavaga muri Borussia Dortmund muri Mutarama 2018.

Arsenal irahita yishyura miliyoni 20 z’amapawundi hanyuma izindi 52 izagenda izishyura mu byiciro kugeza iyi myaka 5 irangiye.

Nicolas Pepe yarigaragaje cyane mu mwaka w’imikino ushize mu Bufaransa kuko yatsinze ibitego 23 ndetse arangiza ku mwanya wa kabiri mu batsinze ibitego byinshi nyuma ya Mbappe.

Pepe yagize ati “Kugera hano biranshimishije cyane kuko ntibyigeze binyorohera.Nanyuze mu nzira ikomeye niyo mpamvu gusinyira ikipe ikomeye nk’iyi ari igihembo gikomeye.Ni iby’ingenzi guhitamo neza kandi nabwiwe ko Arsenal ari amahitamo meza.”

Umutoza Unai Emery we yagize ati “Gusinyisha umukinnyi uca ku ruhande wo ku rwego rwo hejuru yari intego yacu muri iyi mpeshyi.Ndishimye cyane ko yamaze gusinya.azatwongerera umuvuduko,imbaraga no guhanga umukino ndetse azazana ibitego byinshi mu ikipe yacu.”

Ikipe ya Arsenal isigaranye urugamba rwo gusinyisha myugariro wo hagati ndetse n’uca ku ruhande rw’ibumoso.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1069 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 1976 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 1999 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2294 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3816 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3584 0