skol
Kigali
startimes

Arsenal yigiriye inama ikomeye yo kwikiza Mesut Ozil uhembwa adakina

Imyidagaduro   Yanditswe na: Dusingizimana Remy 9 August 2020 Yasuwe: 4061

Ikipe ya Arsenal imaze igihe ihangana n’umushahara w’ibihumbi 350 by’amapawundi yishyura Mesut Ozil ku cyumweru ariyo mpamvu yafashe umwanzuro wo kumwishyura Miliyoni 18 z’amapawundi akigendera.


Amakuru atangazwa n’ibinyamakuru byo ku mugabane w’i Burayi nuko ikipe ya Arsenal ishaka gutandukana na Mesut Ozil muri uyu mwaka ariyo mpamvu ngo iri gushaka uko yamwishyura amafaranga y’umwaka wose akajya gushaka ahandi akina.

Ozil ntabwo arakina umunota n’umwe nyuma y’aho imikino isubukuriwe ariko we avuga ko yifuza kuguma muri Arsenal amasezerano ye akarangira muri 2021.

Uyu mushahara w’umurengera Mesut Ozil ahembwa,utuma n’amakipe yose amwifuza akuramo akayo karenge kuko yavuze ko atakwemera kuwugabanya.

Uyu mugabo ufite inkomoko muri Turkia yabuze n’ikipe imutira Arsenal ngo nibura aya mafaranga agabanuke ariyo mpamvu yabaye umutwaro uremereye kuri iyi kipe yo mu mujyi wa London.

Arsenal iherutse guhagarika abakozi 55 bayo ivuga ko ifite ikibazo cy’ubukungu cyatewe na Coronavirus,bibabaza cyane abakinnyi bayo ndetse basaba guhura n’ubuyobozi cyane ko mu minsi yashize biyemeje kugabanya umushahara kugira ngo hatagira umukozi wo hasi wirukanwa.

Bivugwa ko iyi kipe ishobora kurekura abakinnyi benshi mu rwego rwo kubashakamo amafaranga yo kwiyubaka barimo Matteo Guendouzi, Sokratis Papastathopoulos, Ainsley Maitland-Niles,Sead Kolasinac,na Mesut Ozil.

Arsenal irifuza kandi abakinnyi barimo Willian,Gabriel Magalhaes,Philippe Coutinho na Thomas Partey.

Mesut Ozil yageze muri Arsenal mu mpeshyi ya 2013 aguzwe akayabo ka miliyoni 42 z’amapawundi muri Real Madrid.

Mesut Ozil yafashije Arsenal gutwara FA Cup 3 ndetse ayifasha kurangiza ku mwanya wa 2 mu mwaka w’imikino wa 2015-16 muri Premier League aho yarangije shampiyona atanze imipira 19 yabyaye ibitego.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza wa Rayon sports yasabye komite kumugurira abakinnyi 3...

Umutoza wa Rayon Sports,Guy Bukasa,yasabye komite y’agateganyo ya Rayon...
26 September 2020 Yasuwe: 1370 0

Jurgen Klopp yatangaje umwihariko Arteta yazanye muri Arsenal watumye...

Umutoza wa Liverpool,Jurgen Klopp yatangaje ko umutoza wa Arsenal,Mikel...
25 September 2020 Yasuwe: 2482 0

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 2836 0

Messi yibasiye bikomeye abayobozi ba FC Barcelona mu butumwa yatanze...

Kapiteni wa FC Barcelona,Lionel Messi yasezeye kuri mugenzi we bakinanaga...
25 September 2020 Yasuwe: 3023 0

Aubameyang yahishuye impamvu ikomeye yatumye yanga kujya FC Barcelona...

Rutahizamu akaba na kapiteni wa Arsenal, Pierre-Emerick Aubameyang...
25 September 2020 Yasuwe: 1604 0

Mario Balotelli yambitse impeta y’umubano umukobwa bamaranye ukwezi kumwe...

Rutahizamu Mario Balotelli yasabye umukobwa witwa Alessia Messina ko...
25 September 2020 Yasuwe: 3132 0