Kigali
startimes

Arsenal yirukanye umutoza Unai Emery wayisubije ahabi yaherukaga mu mwaka wa 1992

Imyidagaduro   Yanditswe na: Dusingizimana Remy 29 November 2019 Yasuwe: 1128

Ubuyobozi bw’ikipe ya Arsenal bumaze gufata umwanzuro wari utegerejwe na benshi mu bakunzi bayo wo kwirukana umutoza Unai Emery wari umaze imikino 7 adatsinda mu marushanwa yose ndetse nta n’icyizere atanga cy’uko ikipe ishobora kuzuka igasubira mu bihe byiza.



Mu kiganiro,Josh Kroenke, umuhungu wa nyiri ikipe ya Arsenal, Stan Kroenke,yagejeje ku banyamakuru ba Arsenal kuri uyu wa Gatanu taliki ya 29 Ugushyingo 2019, yagize ati :

“Turatangaza ko twamaze gufata umwanzuro wo gutandukana n’uwari umutoza wacu mukuru Unai Emery ndetse n’abatoza bakoranaga.Dushimiye by’umwihariko Unai Emery na bagenzi be batahwemye gukora cyane kugira ngo ikipe yongere guhatana ku rwego rwo hejuru twasabaga.Nta kindi kintu twakora uretse kwifurija Unai Emery ejohazaza heza no gutsinda.

Icyemezo cyo kwirukana Unai Emery cyafashwe bitewe n’umusaruro mubi yari afite watumye ikipe ya Arsenal isubira ahabi yahoze mu mwaka wa 1992 aho yamaze imikino 7 idatsinda.

Unai Emery yari amaze amezi 18 muri Arsenal aho atabashije kuyisubiza mu makipe 4 ya mbere akina UEFA Champions League gusa yayigejeje ku mukino wa nyuma wa Europa League ishize ubwo yatsindwaga na Chelsea FC ibitego 4-1.

Arsenal igiye gukomeza gutozwa n’umutoza wungirije Freddie Ljungberg by’agateganyo igihe cyose hagitegerejwe umutoza mukuru uri gushakishwa aho azaturuka hagati ya Nuno Espirito Santo wa Wolves,Max Allegri cyangwa Mikel Arteta.

Arsenal izakina na Norwich City muri Premier League irakomeza muri iyi weekend itozwa na Ljungberg.

Unai Emery wageze muri Arsenal avuye muri PSG mu mwaka ushize, muri Premier League yakinnye imikino 51, atsinda 25, anganya 13 atsindwa 13.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Myugariro Usengimana Faustin yasinyiye Police FC yamuguze akayabo

Myugariro Faustin Usengimana yateye umugongo Rayon Sports asinya imyaka...
2 July 2020 Yasuwe: 548 0

Biravugwa: Rayon Sports mu biganiro byo gusinyisha umutoza Guy Bukasa na...

Amakuru akomeje gucaracara ku mbuga nkoranyambaga aravuga ko Ikipe ya Rayon...
1 July 2020 Yasuwe: 1881 0

Rayon Sports yasinyishije Kwizera Olivier na Bigirimana Issa

Kuri iki gicamunsi cyo kuri uyu wa Gatatu tariki ya 01 Nyakanga 2020,Ikipe...
1 July 2020 Yasuwe: 1200 0

Munyakazi Sadate na KNC bateranye amagambo nyuma y’ibyavuzwe n’umuvugizi wa...

Abayobozi b’amakipe yo mu kiciro cya mbere mu Rwanda barimo Munyakazi Sadate...
1 July 2020 Yasuwe: 1850 0

Umukunzi wa Cristiano Ronaldo yatumye benshi bacika ururondogoro kubera...

Umukunzi wa Cristiano Ronaldo witwa Georgina Rodriguez yongeye gutuma...
30 June 2020 Yasuwe: 3074 0

"Gasogi United ni nk’igare naho Rayon Sports ni rukururana"-Umuvugizi wa...

Umuvugizi wa Rayon Sports FC, Jean Paul Nkurunziza, yakoze mu jisho ikipe...
30 June 2020 Yasuwe: 1694 1