addresiya
Kigali
startimes

AS Kigali ikomye mu nkokora APR FC mu rugamba rwo gushaka igikombe cya shampiyona

Imyidagaduro   Yanditswe na: Dusingizimana Remy 3 May 2019 Yasuwe: 4189

Impinduka zikomeye z’abatoza b’ikipe ya AS Kigali,Mateso Jean de Dieu na Kodo mu gice cya kabiri,zifashije AS Kigali gukura inota rimwe ku ikipe ya APR FC mu mukino w’umunsi wa 26 wa shampiyona y’u Rwanda banganyijemo ibitego 2-2.



APR FC yakinnye igice cya mbere iri ku rwego rwo hejuru,yagowe bikomeye na AS Kigali mu gice cya kabiri,bituma banganya ibitego 2-2 muri uyu mukino wabereye kuri stade ya Kigali I Nyamirambo.

APR FC niyo yatangiye neza uyu mukino kuko ku munota wa 03 yahushije igitego cyabazwe ku mupira rutahizamu Byiringiro Lague yatanze umunyezamu Shamiru Bate,awuteye n’umutwe ujya hanze.

Ku munota wa 08 w’umukino,Hakizimana Muhadjiri yacenze ba myugariro babiri ba AS Kigali, aroba umunyezamu Bate,umupira ugarurwa n’umutambiko w’izamu.

Rutahizamu Ndarusanze Jean Claude wasubiye inyuma muri uyu mwaka w’imikino,yahushije igitego cyabazwe ku munota wa 11, ku mupira yahawe uturutse kuri Counter attack, we na bagenzi be bari bakoze

Ndarusanze Jean Claude yongeye guhusha igitego cyabazwe ku munota wa 20,ku mupira yahawe ari wenyine mu rubuga rw’amahina, awuteye uca ku ruhande rw’izamu rya Kimenyi Yves.

Ku munota wa 26, Hakizimana Muhadjiri yongeye kuzamukana umupira acenga Bishira Latif, ateye mu izamu umupira ugarurwa n’umutambiko w’izamu ku nshuro ya kabiri.

Nyuma y’igihe kinini ubusatirizi bwa APR FC bucaracara imbere y’izamu rya AS Kigali,Byiringiro Lague yafunguye amazamu ku munota wa 27 w’umukino.

Igice cya mbere cy’umukino cyarangiye APR FC iyoboye n’igitego 1-0 ndetse itanga icyizere ko itsinda umukino kuko ariyo yabonye uburyo bwinshi imbere y’izamu.

As Kigali ishaka kurangiza mu makipe 4 ya mbere,yatangiye igice cya kabiri ikora impinduka aho Murengezi Rodrigue yasimbuwe na Ndayisenga Fuadi uzwiho gukora uburyo bwinshi bubyara ibitego.

Fuadi akimara kwinjira mu kibuga yahise akora impinduka mu busatirizi bwatumye ku munota wa 48 yinjiza igitego cyo kwishyura cyatsinzwe na Ndarusanze Jean Claude ku mupira mwiza wari uturutse muri koloneri ya Ishimwe Kevin.

Ku munota wa 56 nibwo Hakizimana Muhadjiri yabonye uburyo bukomeye bwo gutsinda igitego, aho yahawe umupira awutera mu izamu n’umutwe ukurwamo na Bate Shamiru, wongeye kumugarukira akozaho ikirenge ujya hanze.

APR FC itamerewe neza muri iyi minsi,yagerageje gushaka igitego cyane ariko ba rutahizamu bayo barimo Hakizimana Muhadjiri na Danny Usengimana ntibabyaza umusaruro amahirwe babonye.

AS Kigali yatunguye APR FC ku munota wa 85 ubwo yinjizaga igitego cya kabiri gitsinzwe na Nshimiyimana Ibrahim winjiye mu kibuga asimbuye.

Nk’ikipe nkuru,APR FC yagerageje gushaka igitego cyo kwishyura,ibigeraho ku munota wa 87 ubwo Ombolenga Fitina yateraga umupira mu rubuga rw’amahina usanga Muhadjiri aho yari ahagaze,awushyira mu rushundura.Muhadjiri yatsinze igitego cya 14 muri shampiyona bimufasha gusatira Ulimwengu wa Rayon Sports ufite 16.

Umusifuzi wa kane yahise yongeraho iminota 4 y’inyongera itahiriye APR FC yashakaga igitego cy’intsinzi ku buryo bukomeye,umukino urangira itakaje amanota 2.

APR FC yatsikiye kuri uyu munsi wa 26 wa shampiyona,iracyayoboye urutonde rwa shampiyona n’amanota 59,ikurikirwa na Rayon Sports ifite 57 n’umukino itarakina uzayihuza na Police FC ku cyumweru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble big boss

    Yewe uyumuzungu nuko azirukanwa vuba ariko apr bayirekeye murisa koko cyangwa abayobozi bashake rwose umutoza udahuzagurika koko uriya numunya bwoba cyane

    May 2019
  • chat_bubble Mbwenu

    APR irikuzira kurara kumarimbi inyamirambo no kurara kuri stade regional bugacya bakanuye baminjagira ibintu kukibuga. Imana iri kubahana.

    May 2019
  • chat_bubble venant

    Rayon, tuzagitwara

    May 2019

Inzindi nkuru

LA Galaxy yirukanye umukinnyi wayo imuziza amagambo yuzuye urwango yavuzwe...

Ikipe ya LA Galaxy yirukanye umukinnyi wayo wo hagati witwa Aleksandar...
6 June 2020 Yasuwe: 1377 0

Gatsibo: Ushinzwe imibereho myiza y’abaturage mu kagari ka Nyabikiri yatawe...

Umukozi ushinzwe iterambere n’imibereho myiza y’abaturage mu Kagari ka...
6 June 2020 Yasuwe: 1284 0

Rayon Sports yanze ubwegure bw’Umunyamabanga wayo wari weguye mu minsi...

Ikipe ya Rayon Sports yatesheje agaciro ubwegure bw’umunyamabanga mukuru...
6 June 2020 Yasuwe: 1749 0

Kakule Mugheni yasezeye ku bakunzi ba Rayon Sports nyuma yo kutumvikana...

Umukongomani Kakule Mugheni Fabrice yasezeye ku bakunzi ba Rayon Sports...
6 June 2020 Yasuwe: 2030 0

Luka Modric yahishuye uko Mourinho yari agiye kurwanira na Cristiano...

Umukinnyi wo hagati mu ikipe ya Real Madrid yatangaje ko muri 2013 mugenzi...
6 June 2020 Yasuwe: 1890 0

Gicumbi FC yiyemeje kurega FERWAFA yayimanuye mu kiciro cya kabiri muri...

Nyuma y’uko Gicucmbi FC ijuririye icyemezo cya Komite nyobozi cyo kuyimanura...
6 June 2020 Yasuwe: 946 0