Kigali

AS Kigali yongeye kubura amanota 3 atatu mu mukino yahushijemo Penaliti

Imyidagaduro   Yanditswe na: Dusingizimana Remy 11 October 2019 Yasuwe: 2996

Kugeza ku mukino wa 3 wa shampiyona y’u Rwanda 2019/2020,ikipe ya AS Kigali ntirabasha kubona amanota 3 kandi yarahabwaga amahirwe na benshi ko ishobora kuzatanga akazi gakomeye mu rugamba rwa shampiyona kubera abakinnyi yaguze.



Kuri uyu wa Gatanu mu muino w’umunsi wa 3 wa shampiyona AS Kigali yanganyije bigoranye na Bugesera FC ibitego 2-2 mu mukino yabonyemo amahirwe menshi arimo na penaliti 2 igahushamo imwe.

AS Kigali yananiwe gutsinda APR FC na Rayon Sports yaje muri uyu mukino ishaka amanota 3 ya mbere muri shampiyona ariko ntibyayihira kuko Bugesera FC yiyubatse cyane yaberetse ko bagomba gushakira amanota ahandi.

Bugesera FC yari ihagaze neza,yafunguye amazamu hakiri kare ku munota wa 05 ku gitego cyatsinzwe na Jimmy Mbaraga ku mupira mwiza yahawe na Murengezi Rodrigue wari umaze gucenga umunyezamu.Iki gitego cyabonetse nyuma ya Contre attaque aba bakinnyi bombi na Tchabalala bakoze.

Ntibyatinze ku munota wa 12 w’umukino ba Myugariro ba Bugesera bakorera ikosa kuri Rick Martel bituma umusifuzi Mukansanga Salma aha Penaliti AS Kigali,yinjijwe neza na Fosso Fabrice.

Ku munota wa 45 w’umukino,Shabani Hussein uzwi nka Tchabalala yatsindiye Bugesera FC igitego cya kabiri n’umutwe ku mupira wari uvuye muri Koloneri ya yatewe neza na Mustapha Francis hanyuma Bakame agasohoka nabi.Bugesera FC yarangije igice cya mbere iyoboye umukino.

AS Kigali yagarutse mu kibuga ishaka kwishyura uyu mwenda no gushaka igitego cy’intsinzi ariko akazi kayigoye ku buryo burenze.

Ku munota wa 58 w’umukino AS Kigali yabonye penaliti ya kabiri nyuma y’aho Wilondja Jacques yakoreye ikosa kuri Fosso Fabrice ariko uyu Fosso winjije iya mbere ateye iyi ya kabiri umunyezamu Kwizera Janvier uzwi nka Rihungu ayikuramo.

Ku munota wa 74 w’umukino,umutoza ushinzwe kongerera ingufu abakinnyi ba Bugesera Tumaine yahawe ikarita itukura kubera imyitwarire mibi.

Ku munota wa 84 w’umukino,AS Kigali yaje kwishyura igitego ubwo Kalisa Rachid yateraga neza Coup Franc ayitereka ku mutwe wa Essombe Patrick ashyira umupira mu rushundura.

AS Kigali yaguze abakinnyi benshi biganjemo abafite ubunararibonye ntirabasha kubona amanota 3 mu mikino 3 imaze gukina kuko yanganyije 2 itsindwa rimwe mu gihe Bugesera FC yo igize amanota 4.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Arsenal igiye guhomba akayabo k’amamiliyoni kubera imyitwarire mibi muri...

Ikipe ya Arsenal iri gutsindwa umusubirizo ikomeje kugana ahabi cyane...
9 December 2019 Yasuwe: 2129 0

Ifoto y’Umunsi: Minisitiri wa siporo Munyangaju yagaragaye ari kunyonga...

Minisitiri mushya wa MINISPOR,Munyangaju Mimosa Aurore yafotowe atwaye...
9 December 2019 Yasuwe: 2817 0

Rayon Sports yeretse ibigwi byayo Heroes FC ikomeza gusatira APR...

Ikipe ya Rayon Sports yanyagiye Heroes yazamutse uyu mwaka ibitego 4-1 mu...
8 December 2019 Yasuwe: 4665 0

“Aba basifuzi nibadahanwa nzumirwa”-Guy Bukasa wa Gasogi United

Umutoza wa Gasogi United,Guy Bukasa yatangaje ko abasifuzi bamusifuriye...
8 December 2019 Yasuwe: 4686 3

Abafana bahagaritse umukino mu Bwongereza nyuma yo kuva muri stade bajya...

Imirwano ikomeye yabereye ku kibuga cya Bloomfield Road mu mukino wahuzaga...
8 December 2019 Yasuwe: 3418 0

KNC yahaye ubutumwa bukomeye abafana ba APR FC yamutsinze yiyushye...

Umunyemari Kakooza Nkuriza Charles washinze ikipe ya Gasogi United,yabwiye...
8 December 2019 Yasuwe: 5127 0