skol
Kigali
startimes

Aston Villa yakoreye amateka atazibagirana kuri Liverpool iyinyagira 7-2

Imyidagaduro   Yanditswe na: Dusingizimana Remy 4 October 2020 Yasuwe: 4115

Ikipe ya Aston Villa yarokotse kumanuka mu cyiciro cya kabiri mu mwaka w’imikino ushize,yanyagiye ikipe ya Liverpool yatwaye shampiyona ibitego 7-2 mu mukino w’umunsi wa kane wa shampiyona ya 2020/2021.


Liverpool itarinjijwe ibitego byinshi mu mwaka w’imikino ushize yatwayemo igikombe,iri kwinjizwa ibitego cyane kuko yatsinzwe ibitego 7-2 kuri iki cyumweru ndetse no ku mukino wa mbere wa shampiyona yatsinze bigoranye Leeds ibitego 4-3.

Liverpool yari yasuye Aston Villa ku kibuga Villa Park,yahuye n’uruva gusenya kuko yahatsindiwe ibitego 7-2.Aka kaga yaherukaga guhura nako muri Mata 1963 ubwo yatsindwaga na Tottenham.

Aston Villa yafunguye amazamu ku munota wa 04 w’umukino ibifashijwemo na Ollie Watkins waje gutsinda ibindi 2 ku munota wa 22 n’uwa 39 w’umukino bituma aba umukinnyi wa 10 utsinze Liverpool ibitego 3 mu mateka.

Igice cya mbere cyarangiye Aston Villa itsinze ibitego 4-1 cyane ko yayitsindiye ikindi gitego ku munota wa 35 mu gihe Mohamed Salah yatsindiye Liverpool igitego cya mbere ku munota wa 33 w’umukino.

Liverpool yahabwaga amahirwe yo kwishyura ibi bitego yahuye n’akaga gakomeye ku munota wa 55 ubwo Ross Barkley batiye muri Chelsea yatsindaga igitego cya 5.

Ku munota wa 66,Icyizere cya Liverpool cyayoyotse ubwo Kapiteni Jack Grealish yashyiragamo ibindi bitego 2 ku munota wa 66 n’uwa 75.

Muri uyu mukino,Aston Villa yari ifite amahirwe menshi cyane kuko mu bitego 7 yatsinze 3 muri byo abakinnyi ba Liverpool bayobyaga umupira, umunyezamu Adrian ntamenye uko bigenze.

Aston Villa yahushije ibindi bitego 3 byabazwe mu gihe Liverpool yabonye ikindi gitego cy’impozamarira cyatsinzwe na Mohamed Salah ku munota wa 60.

Iyi ni inshuro ya mbere Liverpool itsinzwe muri shampiyona y’uyu mwaka,aho kuri ubu ifite amanota 09 mu mikino 3 yatsinze inganya n’iyi Aston Villa ariko yo imaze gukina imikino 3 gusa.

Aston Villa na Everton nizo zifite amanota yose mu mikino zimaze gukina kuko iyi Everton ya mbere muri shampiyona n’amanota 12/12 mu gihe Aston Villa ifite 9/9 ku mwanya wa kabiri.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 2925 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3300 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4002 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4921 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4790 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4809 0