skol
fortebet

Aubameyang yafashije Arsenal gukora agahigo mu irushanwa rya FA Cup

Yanditswe: Sunday 19, Jul 2020

featured-image

Sponsored Ad

Rutahizamu Pierre-Emerick Aubameyang wa Arsenal yaraye ayifashije kugera ku mukino wa nyuma wa FA Cup nyuma yo kuyitsindira ku kibuga Wembley ibitego 2-0 kuri uyu wa Gatandatu.

Sponsored Ad

Arsenal yaraye ikoze agahigo ko kuba igeze ku mukino wa nyuma inshuro nyinshi kuko ku nshuro ya 21 ndetse ni nayo ifite ibi bikombe byinshi.

Arsenal yatangiye umukino yugarira kuko yari izi ubukaka bwa Manchester City by’umwihariko abakinnyi bay obo ku mpande,gusa uburyo buke yabonye yabubyaje umusaruro kuko yatsinze igitego cya mbere cya rutahizamu Pierre-Emerick Aubameyang ku munota wa 19, ku mupira wahinduwe imbere y’izamu na Nicolas Pépé.

Ku munota wa 71, Pierre-Emerick Aubameyang yongeye guca mu rihumye abakinnyi b’inyuma ba Manchester City, atsindira Arsenal igitego cya kabiri ku mupira yaherejwe na Kieran Tierney ariruka asiga ba myugariro b’iyi kipe.

Umutoza Arteta wari wize cyane Manchester City cyane yari yakinishije abakinnyi 3 inyuma,4 hagati n’abandi 3 imbere,yugariraga icyarimwe igacungira ku mipira Manchester City itakaje mu gihe ikipe ya Pep Guardiola yo yakinaga isatira nk’ibisanzwe.

Arsenal yatsinze ibigugu bikomeye mu Bwongereza muri iki cyumweru kuko kuwa Gatatu w’iki cyumweru yatsinze Liverpool ibitego 2-1.

Arsenal yageze ku mukino wa nyuma wa FA Cup ku nshuro ya 21, akaba ariyo kipe ihageze kenshi kurusha izindi ndetse niyo imaze kwegukana iri rushanwa kenshi (13).


Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa