Ibibazo bya Arsenal bikomeje kwiyongera kuko kapiteni wayo Pierre-Emerick Aubameyang yahagaritse burundu ibiganiro yagiranaga n’ubuyobozi kuri gahunda yo kongera amasezerno mashya.

Sponsored Ad

Pierre-Emerick Aubameyang umaze gutsindira Arsenal ibitego 53 mu mikino 83 kuva yayigeramo muri 2018 aturutse muri Borussia Dortmund yamaze kwanga kongera amasezerano mashya.

Aubameyang arifuza kwerekeza mu ikipe ikomeye kugira ngo yegukane ibikombe cyane ko muri Arsenal bigaragara ko bitamukundira.

Aubameyang usigaje undi mwaka w’imikino muri Arsenal,arashaka kuzigurisha muri 2021 ubwo amasezerano ye azaba arangiye.

Aubameyang biravugwa ko ari kwifuzwa n’ikipe ya Real Madrid ishaka ko yafatanya na Karim Benzema kuyishakira ibitego ndetse uyu mugabo w’imyaka 30 ngo yakuze arota kuzakinira iyi kipe y’ikigugu ku isi.