skol
Kigali
startimes

Aubameyang yemeye kongera amasezerano nyuma yo kumva ko Arsenal igiye gusinyisha abakinnyi bakomeye ihereye kuri Willian

Imyidagaduro   Yanditswe na: Dusingizimana Remy 6 August 2020 Yasuwe: 4082

Rutahizamu akaba na kapiteni wa Arsenal,Pierre-Emerick Aubameyang yemeye kongera amasezerano y’imyaka 3 nyuma yo kongezwa umushahara ndetse no kwemererwa ko ikipe igiye kugura abakinnyi bakomeye ihereye kuri Willian bamaze kumvikana.


Pierre-Emerick Aubameyang uri kubaka izina muri Arsenal kubera ibitego ari kuyitsindira ubutitsa,biravugwa ko yemerewe akayabo k’ibihumbi 250 by’amapawundi nk’umushahara we w’icyumweru ndetse yemererwa kugurirwa abakinnyi bakomeye bo kumufasha gutwara ibikombe.

Uyu munya Gabon w’imyaka 31,yemeye gusinya amasezerano azamugeza muri 2023 arimo kurangiza ayo yari afite azarangira mu mpeshyi itaha yarangiza akongeraho indi myaka 2.

Ikinyamakuru Telegraph kiri ku isonga mu bibona amakuru ya Arsenal hakiri kare cyatangaje ko ibiganiro bya Pierre-Emerick Aubameyang n’abayobozi ba Arsenal byeze imbuto nziza kuko uyu mukinnyi azajya anahabwa uduhimbazamusyi twisumbuyeho uko agize icyo ageza kuri Arsenal.

Iki kinyamakuru kandi cyemeje ko Pierre-Emerick Aubameyang yemeye gusinya aya masezerano nyuma yo kwizezwa ko Arsenal igiye gusinyisha amazina akomeye yazahatana birenzeho mu mwaka w’imikino utaha.

Umukinnyi wa Mbere wamaze kumvikana na Arsenal ni Willian warangije amasezerano muri Chelsea,ugiye gusinya imyaka 3 ndetse akazajya ahembwa ibihumbi 100 by’amapawundi ku cyumweru.

Arsenal kandi igiye kugura myugariro wo hagati mu ikipe ya Lille witwa Gabriel Magalhaes. Yiteguye kandi kuzana umukinnyi Philippe Coutinho n’undi mukinnyi ukomeye ukina hagati imbere ya ba myugariro aho bivugwa umunya Ghana Thomas Partey.

Kuva yagera muri Arsenal muri Mutarama 2019,Aubameyang amaze gutsinda ibitego 70 mu mikino 109 ndetse yasoje umwaka w’imikino agaragaza ko atiteguye guhagarika gutsinda.

Uyu mugabo usanzwe ari kapiteni wa Arsenal,aherutse kuyihesha igikombe cya FA Cup atsinze Chelsea ibitego 2-1 wenyine ndetse ni nako muri 1/2 cy’iki gikombe yesuye Manchester City ayitsinda ibitego 2-0 byabonetse muri uwo mukino.

Aya makuru meza aje asimbura amabi yavuzwe ku munsi w’ejo ko Arsenal yirukanye abakozi 55 kubera ingaruka yagizweho na Coronavirus nyamara ifite umukire utunze miliyari 6 z’amadolari ndetse inahemba Mesut Ozil yicaye akayabo k’ibihumbi 350 by’amapawundi ku cyumweru.


Aubameyang yemeye kongera amasezerano y’imyaka 3 muri Arsenal

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ifoto ya Lionel Messi ari kwihanagurira inkweto yaciye ibintu

Kizigenza Lionel Messi uherutse gufata umwanzuro wo kuguma muri FC...
17 September 2020 Yasuwe: 2931 0

Bayisenge Emery yabonye ibyangombwa bimwemerera gukinira ikipe ya AS...

Myugariro w’Ikipe y’Igihugu ‘Amavubi’, Emery Bayisenge yamaze kubona...
17 September 2020 Yasuwe: 885 0

Gareth Bale wari uhanganye cyane na Zidane agiye kugaruka mu...

Amakuru aravuga ko Gareth Bale araza kugaruka muri Tottenham mu mpera z’iki...
17 September 2020 Yasuwe: 1406 0

Munyakazi Sadate yavuze impamvu 2 zatumye yihagararaho akanga kwegura muri...

Umuyobozi w’ikipe ya Rayon Sports,Munyakazi Sadate,umaze iminsi yotswa...
16 September 2020 Yasuwe: 3966 0

Mwishywa wa Adebayor wari wamaze gusinyira ikipe ya Rayon Sports ntabwo...

Rutahizamu w’umunya Togo akaba na mwishywa wa Emmanuel Adebayor witwa Alex...
16 September 2020 Yasuwe: 1672 0

Kiyovu Sports yirukanye abakinnyi 7 nyuma yo kwigaragaza ku...

Kiyovu Sports yatandukanye n’abakinnyi 7 barimo n’abayifashije mu mwaka...
16 September 2020 Yasuwe: 1973 0