Kigali

AZAM Media Ltd yahagaritse burundu imikoranire yayo na FERWAFA

Imyidagaduro   Yanditswe na: Dusingizimana Remy 30 August 2019 Yasuwe: 2943

Kompanyi ya AZAM Media Ltd yamaze kwandikira FERWAFA iyimenyesha ko yahagaritse burundu amasezerano yo gutera inkunga shampiyona y’icyiciro cya mbere mu Rwanda.



AZAM Media Ltd yari imaze imyaka 4 itera inkunga shampiyona y’u Rwanda, yandikiye FERWAFA iyibwira ko ibiganiro bagiranye muri Tanzania ntacyo byahinduye ku cyemezo bari bafashe mbere ariyo mpamvu bahisemo guhagarika burundu imikoranire bari bafitanye.

Kuwa 05 Kanama uyu mwaka nibwo AZAM yandikiye FERWAFA iyimenyesha ko bahagaritse by’agateganyo amasezerano bari bafitanye,bituma FERWAFA ijya kuganira na AZAM muri Tanzania kugira ngo yisubireho ariko byarangiye ibi biganiro bikubise igihwereye.

Nkuko amakuru dukesha ikinyamakuru FunClub abitangaza,AZAM yahisemo guhagarika aya masezerano kubera ibyemezo bya FERWAFA bitayinyuraga,birimo kuyima agaciro ikwiye, ikabangamira inyungu zayo rimwe na rimwe.

Muri ibi byemezo harimo ko hari imikino AZAM yifuzwaga ko isubikwa bikangwa, hakabamo kudahabwa amakuru ku gihe ku ntangiriro za shampiyona, ndetse no kuba barifuje ko bahemba abakinnyi bitwaye neza ubwo shampiyona yari ishojwe ariko FERWAFA ntigire icyo ibasubiza.

Azam Media Ltd yasinyanye na FERWAFA amasezerano yo gutera inkunga umupira w’amaguru mu Rwanda yagombaga kurangira muri 2020. Aya masezerano, akaba yari afite agaciro ka Miliyoni 2 n’ibihumbi 350 z’amadorari y’Amerika,asaga hafi miliyari imwe na miriyoni 600 mu mafaranga y’u Rwanda.

Ndagano Kazimbaya Faradjallah uyobora AZAM mu Rwanda yahamirije Funclub dukesha iyi nkuru ko barangije gusubiza FERWAFA ko batazakorana gusa impamvu yo kugenda kwabo akaba yatubwiye ko ayitubwira nyuma.

Umunyamabanga wa FERWAFA Regis Uwayezu we yavuze ko barangije kwakira ibaruwa ya AZAM ariko ko igihe cyo gutangaza ibyayo kitari cyagera.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Claude Y.

    Yewe turahombye pe!twaritumenyereye kwirebera shampiyona gusa Azam sinayirenganya kuko FERWAFA gukorana nayo biragoye ntagahunda bagira bababahuzagurika muribyose

    2 months ago

Inzindi nkuru

Ikinyamakuru cyo muri Espagne cyibasiye cyane rutahizamu Cristiano Ronaldo...

Ikinyamakuru cyo muri Espagne cya Mundo Deportivo cyavuze ko rutahizamu...
20 November 2019 Yasuwe: 1749 0

Sadio Mane yaciye ibintu kubera ibikorwa bikomeye yakoze ari mu kiruhuko...

Nyuma y’imikino y’igikombe cya Afurika iheruka kubera mu Misiri,rutahizamu...
20 November 2019 Yasuwe: 3469 0

Lionel Messi yatunguranye asaba Cavani kuzaza bakarwana igihe cyose azaba...

Umunya-Uruguay Edinson Cavani yasabye Lionel Messi ko barwanira mu mukino...
20 November 2019 Yasuwe: 3797 1

Jose Mourinho yagizwe umutoza mushya wa Tottenham Hotspurs yirukanye...

Umunyabigwi Jose Mourinho w’imyaka 56 umaze gutwara ibikombe 25 bikomeye ku...
20 November 2019 Yasuwe: 2170 0

Cristiano Ronaldo yateje impaka ndende kubera ibyo yatangaje ko yari...

Ronaldo ubura igitego 1 gusa ngo yuzuze ibitego 100 mu ikipe ya Portugal...
19 November 2019 Yasuwe: 4506 0

John Obi Mikel yatangaje umukinnyi wari umunebwe cyane mu myitozo mubo...

Umunya Nigeria ukina Hagati mu kibuga,John Obi Mikel yatangaje ko mu...
19 November 2019 Yasuwe: 3818 0