Kigali

Barack Obama yashimye cyane Abanya-Kenya ’Eliud Kipchoge Na Brigid Kissel’ baherutse gushyiraho uduhigo dushya mu gusiganwa ku maguru[AMAFOTO]

Imyidagaduro   Yanditswe na: Martin Munezero 14 October 2019 Yasuwe: 869

Barack Obama wahoze ari Perezida wa Leta zunze Ubumwe za Amerika, yashimiye abanya-Kenya; Eliud Kipchoge na Brigid Kosgei bitwaye neza mu mpera mu minsi ishize , bagashyiraho uduhigo dushya mu gusiganwa ku maguru (ibirometero 42).



Abinyujije ku rubuga rwa Twitter, Barack Obama yashimiye aba banya-Kenya, avuga ko berekanye ko nta kidakorwa na buri wese.

“Ejo hashize, Eliud Kipchoge usiganwa muri Marathon yabaye umuntu wa mbere ubikoze mu gihe kitageze ku masaha abiri. Uyu munsi muri Chicago, Brigid Kosgei yashyizeho umuhigo mushya ku Isi mu cyiciro cy’abagore. Uretse kuba ibyo bagezeho bidasanzwe, ni ingero nziza zerekana ubushobozi bw’umuntu ku byo yiyemeje.”

” Ubwo nabonaga uburyo Brigid yihuta ubwo yasiganwaga mu gice cya mbere, nari mbizi ko agiye guca aka gahigo.”

Eliud Kipchoge w’imyaka 34, yabaye umuntu wa mbere wasiganwe ku maguru ibirometero 42 akoresheje ibihe bitageze ku masaha abiri. Kipchoge yasoje isiganwa rya Inoes Challenge akoresheje isaha imwe, iminota 59 n’amasegonda 40, ku wa Gatandatu.

Undi munya-Kenya, Brigid Kosgei w’imyaka 25, yitwaye neza muri Marathon ya Chigaco, ayegukana akoresheje amasaha abiri, iminota 14 n’amasegonda ane.

Ni umuhigo mushya yashyizeho mu cyiciro cy’abagore, aho yakuyeho agahigo ko ku rwego rw’Isi kari gafitwe n’Umwongereza Paula Radcliffe wari amaze imyaka 16 ashyizeho aka gahigo ubwo yakoreshaga amasaha abiri, iminota 15 n’amasegonda 25 muri Marathon ya Londres mu 2003.

Uyu munyakenya Eliud Kipchoge yashimiwe n’abantu batandukanye ku Isi barimo na Perezida wa Kenya, Uhuru Kenyatta wavuze ko yahesheje ishema igihugu cye.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 2568 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 3119 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1598 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 2057 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5521 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4720 0